AMAI Ayur Mask | 'മുഖത്ത് കെട്ടിയാൽ ഔഷധഗുണം' ആയുർവേദ മെഡിക്കൽ അസോസിയേഷന്‍റെ മാസ്ക്; കേരള സര്‍ക്കാർ അംഗീകാരം

ആയുർവേദ മെഡിക്കൽ അസോസിയേഷന്‍റെ (AMAl)ആയുർ മാസ്കുകൾക്ക് കേരളാ സർക്കാർ അംഗീകാരം. മാസ്കുകൾ ഇനി കുടുംബശ്രീ വഴി പൊതുവിപണിയിലേക്കെത്തും

കോവിഡ് 19 പ്രതിരോധത്തിനായി കേരള സർക്കാർ അവതരിപ്പിച്ച Break the chain ക്യാമ്പയ്ന്‍റെ ഭാഗമായി AMAl തിരുവനന്തപുരം ജില്ലാ കമ്മിറ്റി അവതരിപ്പിച്ച നവീന ആശയമാണ് AMAl ആയുർ മാസ്ക്.  AMAl തിരു. ജില്ലാ പ്രസിഡന്റും തിരു.ഗവ.ആയുർവേദ കോളേജിലെ അസാസിയേറ്റ് പ്രഫസറുമായ Dr.ആനന്ദാണ് ഇതിന്റെ നിർമ്മാണ രീതി വികസിപ്പിച്ചത്.

കൈത്തറി നൂലിൽ ഔഷധകൂട്ടുകൾ മുക്കി, ആ നൂല്കൊണ്ടുള്ള തുണിയിലാണ്  ഈ മാസ്കുകൾ നിർമ്മിക്കുന്നത്.. കുറച്ചു കാലം കൊണ്ട് വൻജനപ്രീതി നേടിയ AMAl ആയൂർ മാസ്കുകളാണ് ബഹു. ടൂറിസം - ദേവസം വകുപ്പ് മന്ത്രി കടകംപള്ളി സുരേന്ദ്രനും മുൻ ചീഫ് സെക്രട്ടറയും സ്ഥിരമായി ഉപയോഗിക്കുന്നത്.

ആരാഗ്യവകുപ്പു മന്ത്രി ശ്രീമതി ഷൈലജ ടീച്ചർക്കും AMAl ആയുർമാസ്കുകൾ സമ്മാനിച്ചിരുന്നു.  10000ത്തിലധികം അധികം ആയുർ മാസ്കുകളാണ് ഇതുവരെ വിറ്റഴിക്കപ്പെട്ടത്

ഇത്ര മാത്രം ജനപ്രീയമായതിനെ തുടർന്നു ആയുഷ് സെക്രട്ടറിയുടെ അഭ്യർത്ഥനപ്രകാരം Dr.ആനന്ദ് ,സംഘടനയുടെ അനുവാദത്തോടെ ആയുർ മാസ്കിന്റെ നിർമ്മാണരീതി സർക്കാരിന് കൈമാറുകയാണ് ഉണ്ടായത്. കുടുംബശ്രീയുമായി ചേർന്നുകൊണ്ട് വ്യാവസായികാടിസ്ഥാനത്തിൽ നിർമ്മിക്കാനാണ് സർക്കാർ തീരുമാനം

ആയുർ മാസ്കുകൾ കൂടുൽ ജനകീയമാകുന്നതിനും കേരളത്തിലെ പൊതുജനങ്ങൾക്ക് ഗുണകരമാകുന്നതിനും ഒപ്പം ആയുർവേദത്തിന് കൂടുൽ പ്രചരണം ലഭിക്കുന്നതിനും വേണ്ടിയാണ്  Dr.ആനന്ദിന്റെ പേരിൽ പേന്റന്റ് റജിസ്റ്റർ ചെയ്ത ആയുർമാസ്കിന്റെ നിർമ്മാണരീതി  സംഘടന സൗജന്യമായി സർക്കാരിനു നല്കിയത്

ഈ കോവിഡ് കാലത്ത് ആയുർവേദ മേഖലയ്ക്ക് ലഭിച്ച മറ്റൊരു അംഗീകാരം കൂടിയായിരിക്കുകയാണ് സർക്കാരിന്‍റെ തീരുമാനം