രണ്ടര മണിക്കൂറിൽ 75 മീറ്റർ പാലം നിർമിക്കാം; ഇന്ത്യൻ സൈന്യത്തിന് അഭിമാന നേട്ടം

പാലക്കാട്: രണ്ടര മണിക്കൂർ കൊണ്ട് 75 മീറ്റർ പാലം നിർമിക്കാൻ കഴിയുന്ന വാഹന സംവിധാനമാണ് ഇന്ത്യൻ സൈന്യത്തിന് സ്വന്തമായത്.

ഇന്ത്യൻ സൈന്യത്തിന് താല്ക്കാലികപാലം നിർമ്മിക്കാനുള്ള വാഹന സംവിധാനം കഞ്ചിക്കോട്ടെ ബിഇഎംഎൽ (BEML) യൂണിറ്റിലാണ് നിർമ്മിച്ചത്.

സർവത്ര ബ്രിഡ്ജ് സിസ്റ്റം എന്നാണ് ഈ വാഹന സംവിധാനത്തിന്‍റെ പേര്.

സൈനിക നീക്കങ്ങൾക്കായി നദികളിലും മറ്റും താൽകാലിക പാലങ്ങൾ നിർമ്മിക്കുന്നതിനാണ് ട്ര ട്രാ ട്രാക്കിൽ ഘടിപ്പിച്ച സർവത്ര ബ്രിഡ്ജ് സിസ്റ്റം.

കഞ്ചിക്കോട് BEMLലാണ് ഇവ പൂർണമായും നിർമ്മിച്ചിട്ടുള്ളത്.

മേക്ക് ഇൻ ഇന്ത്യ പദ്ധതിയുടെ ഭാഗമായി പൂർണമായും തദ്ദേശീയമായി നിർമ്മിച്ചതാണ് ഈ വാഹന സംവിധാനം.

മേക്ക് ഇൻ ഇന്ത്യ പദ്ധതിയുടെ ഭാഗമായി പൂർണമായും തദ്ദേശീയമായി നിർമ്മിച്ചതാണ് ഈ വാഹന സംവിധാനം.

അഞ്ചു വാഹനങ്ങൾ അടങ്ങിയതാണ് ഒരു യൂണിറ്റ്.

ഒരു വാഹനത്തിൽ 15 മീറ്റർ പാലം നിർമ്മിക്കാനുള്ള സംവിധാനങ്ങൾ ഘടിപ്പിച്ചിട്ടുണ്ട്.

അങ്ങനെ 5 വാഹനങ്ങൾ ഉപയോഗിച്ച് ആറു മീറ്റർ ഉയരത്തിൽ 75 മീറ്റർ താല്ക്കാലികപാലം നിർമ്മിക്കാം.

ഇന്ത്യയ്ക്ക് അഭിമാനമായ ഈ വാഹനസംവിധാനം ബി ഇ എം എൽ ഡിഫൻസ് റിസർച്ച് ഡയറക്ടർ ആർ എച്ച് മുരളീധരൻ മേജർ ജനറൽ എസ് രാധാകൃഷ്ണന് കൈമാറി.

1990ൽ ഇത്തരമൊരു ആശയം രൂപപ്പെട്ടുവെങ്കിലും യാഥാർത്ഥ്യമായത് ഇപ്പോഴാണെന്ന് അധികൃതർ പറയുന്നു.

മൂന്നു യൂണിറ്റുകളിലായി 15 വാഹനങ്ങളാണ് ഇന്ത്യൻ സൈന്യത്തിന് കൈമാറിയത്.

22 യൂണിറ്റുകളാണ് കഞ്ചിക്കോട് BEMLൽ നിർമ്മിക്കുക. 70 ടൺ ഭാരം ചുമക്കാൻ ശേഷിയുള്ളതാണ് സർവ്വത്ര പാലം സംവിധാനം.

പാലത്തിന്‍റെ നീളം കൂടുതല്‍ നീട്ടാനും കുറയ്ക്കാനും സാധിക്കും.