BREAKING| ആറുമാസത്തിന് ശേഷം സംസ്ഥാനത്ത് ബാറുകൾ തുറക്കുമോ? വ്യാഴാഴ്ച നിർണായക യോഗം 

തിരുവനന്തപുരം: ബാറുകൾ തുറക്കുന്ന കാര്യം തീരുമാനിക്കാൻ മുഖ്യമന്ത്രി യോഗം വിളിച്ചു. വ്യാഴാഴ്ച ഓൺലൈനായാണ് യോഗം.

എക്സൈസ് മന്ത്രി ടി.പി. രാാമകൃഷ്ണൻ, എക്സൈസ് കമ്മിഷണർ, ബെവ്കോ എംഡി തുടങ്ങിയവർ പങ്കെടുക്കും.

ബാറുകൾ തുറക്കാനുള്ള ശുപാർശ ആഴ്ചകൾക്കു മുൻപ് എക്സൈസ് കമ്മീഷണർ വകുപ്പു  മന്ത്രിക്കു നൽകിയിരുന്നു.

ബാർ ഉടമകളുടെ അഭ്യർഥന പരിഗണിച്ചും മറ്റു സംസ്ഥാനങ്ങളിൽ തുറന്നു കണക്കിലെടുത്തുമായിരുന്നു ശുപാർശ. എന്നാൽ മുഖ്യമന്ത്രി അത് അംഗീകരിച്ചില്ല. കോവിഡ് വ്യാപിക്കുന്ന സാഹചര്യത്തിലാായിരുന്നു തീരുമാനം.

എന്നാൽ, കോവിഡ് വ്യാപനം രൂക്ഷമായ സാഹചര്യത്തിലും മറ്റു സംസ്ഥാനങ്ങളിൽ ബാറുകൾ തുറന്ന പശ്ചാത്തലത്തിലാണ് എക്സൈസ് വകുപ്പ് വീണ്ടും ശുപാർശ നൽകിയത്. 

എന്നാൽ 144 പ്രഖ്യാപിച്ച സാഹചര്യത്തിൽ മുഖ്യമന്ത്രി എന്തു തീരുമാനം എടുക്കുമെന്നാണ് അറിയേണ്ടത്. ലോക്ക്ഡൗൺ പ്രഖ്യാപിച്ചതിനെ തുടർന്ന് ആറുമാസമായി സംസ്ഥാനത്തെ ബാറുകൾ അടഞ്ഞുകിടക്കുകയാണ്.