Kochi Metro | കൊച്ചി മെട്രോയിൽ ഇനി യാത്രക്കാർക്ക്  സൈക്കിളും ഒപ്പം കൊണ്ടുപോകാം

കൊച്ചി: മെട്രോയിൽ യാത്ര ചെയ്യുന്നവർക്ക് ഇനി സൈക്കിളിനെയും ഒപ്പം കൂട്ടാം. ചങ്ങമ്പുഴ മെട്രോ സ്റ്റേഷൻ, പാലാരിവട്ടം, ടൗൺഹാൾ, എറണാകുളം സൗത്ത്, മഹാരാജാസ്, ഇളംകുളം മെട്രോ സ്റ്റേഷൻ, എന്നിങ്ങനെ ആദ്യഘട്ടത്തിൽ കൊച്ചി മെട്രോയുടെ ആറു സ്റ്റേഷനുകളിലാണ് യാത്രക്കാർക്ക് ഒപ്പം സൈക്കിളും അനുവദിക്കുന്നത്.

കൊച്ചി നഗരത്തിൽ പ്രതിദിനം സൈക്കിൾ ഉപയോഗം വർദ്ധിക്കുന്ന സാഹചര്യത്തിലും യാത്രക്കാരുടെ ആവശ്യവും മുൻ നിർത്തിയാണ് കെ എം ആർ എല്ലിന്റെ തീരുമാനം.

ആരോഗ്യപരമായ ജീവിത ശൈലിയുടെ പ്രാധാന്യത്തെക്കുറിച്ച് ആളുകളിൽ അവബോധം ഉണ്ടാക്കുന്നതിനും സൈക്കിൾ യാത്രയെ പ്രോത്സാഹിപ്പിക്കുന്നതിന്റെയും ഭാഗമായാണ് മെട്രോയുടെ ഈ പുതിയ പദ്ധതിയെന്ന് കെ എം ആർ എൽ എം.ടി അൽകേഷ് കുമാർ ശർമ്മ പറഞ്ഞു.

യാത്രക്കാർക്കൊപ്പം മെട്രോയിൽ കയറ്റുന്ന സൈക്കിളിന് പ്രത്യേകമായി ചാർജ് നൽകേണ്ടതില്ല. വരും ദിവസങ്ങളിൽ കൂടുതൽ മെട്രോ സ്റ്റേഷനുകളിലും ഈ സംവിധാനം ഒരുക്കും.