Mercedes-Benz EQB| മെഴ്സിഡസ് ബെൻസ് ഇക്യുബി ഇന്ത്യയിലേക്ക്; ഇലക്ട്രിക് എസ്.യു.വിയുടെ സവിശേഷതകൾ അറിയാം

മെഴ്‌സിഡസ് ബെന്‍സിന്റെ ഓള്‍ ഇലക്ട്രിക് ഉപബ്രാന്‍ഡായ ഇക്യു കുടുംബത്തിലെ പുതിയ മോഡല്‍ ഉടൻ ഇന്ത്യയിലെത്തും. അഞ്ചുമാസം മുൻപ് അനാവരണം ചെയ്ത ഇക്യുഎസ് കൂടാതെ, ഇക്യുഎ, ഇക്യുസി, ഇക്യുവി എന്നീ ഇലക്ട്രിക് മോഡലുകളുടെ നിരയിലാണ് പൂര്‍ണമായും പുതിയ ഇക്യുബി ഇടംപിടിക്കുന്നത്.  Mercedes-Benz EQB. (Photo: Mercedes-Benz)

കഴിഞ്ഞ ഷാങ്ഹായ് ഓട്ടോ ഷോയിലാണ് ഇക്യുബി അനാവരണം ചെയ്തത്. ആദ്യം ചൈനീസ് വിപണിയില്‍ വില്‍പ്പന ആരംഭിച്ചിരുന്നു. ഇതേതുടര്‍ന്ന് ഈ വര്‍ഷം തന്നെ യൂറോപ്പില്‍ അവതരിപ്പിക്കും. അടുത്ത വര്‍ഷം അമേരിക്കന്‍ വിപണിയില്‍ എത്തുമെന്നാണ് പ്രതീക്ഷിക്കപ്പെടുന്നത്.  Mercedes-Benz EQB. (Photo: Mercedes-Benz)

മെഴ്‌സിഡസ് ബെന്‍സ് ജിഎല്‍ബി അടിസ്ഥാനമാക്കിയാണ് ഇക്യുബി നിര്‍മിച്ചിരിക്കുന്നത്. അതുകൊണ്ടുതന്നെ 7 സീറ്റര്‍ മോഡലാണ് ഇക്യുബി.  Mercedes-Benz EQB. (Photo: Mercedes-Benz)

മെഴ്‌സേഡസ് ബെന്‍സ് ഇക്യുബിയുടെ നീളം, വീതി, ഉയരം, വീല്‍ബേസ് എന്നിവ യഥാക്രമം 4684 എംഎം, 1834 എംഎം, 1667 എംഎം, 2829 എംഎം എന്നിങ്ങനെയാണ്. മൂന്നാം നിരയില്‍ 5.4 അടി ഉയരമുള്ളവര്‍ക്കുപോലും ഇരിക്കാന്‍ കഴിയുമെന്ന് അവകാശപ്പെടുന്നു. Mercedes-Benz EQB. (Photo: Mercedes-Benz)

ആന്തരിക ദഹന എഞ്ചിൻ ഉപയോഗിക്കുന്ന ജിഎല്‍ബിയുടെ അതേ ഡിസൈന്‍ സവിശേഷതകള്‍ ഇക്യുബിയില്‍ കാണാന്‍ കഴിയും.  Mercedes-Benz EQB. (Photo: Mercedes-Benz)

വ്യത്യസ്ത ഇക്യു ഗ്രില്‍ കൂടാതെ ‘എയ്‌റോ’ വീലുകള്‍, മുന്നിലും പിന്നിലും വ്യത്യസ്തമായ ലൈറ്റിംഗ് എന്നിവ നല്‍കി.  Mercedes-Benz EQB. (Photo: Mercedes-Benz)

വാഹനത്തിനകത്ത്, ഡാഷ്‌ബോര്‍ഡില്‍ ഉയര്‍ന്നുനില്‍ക്കുന്ന വലിയ സ്‌ക്രീന്‍ കാണാം. എംബിയുഎക്‌സ് സിസ്റ്റം സവിശേഷതയാണ്. ജിഎല്‍ബി പോലെ, കാബിനകത്ത് അലുമിനിയം കൊണ്ടുള്ള അലങ്കാരങ്ങള്‍ നല്‍കിയിട്ടുണ്ട്.  Mercedes-Benz EQB. (Photo: Mercedes-Benz)

ഫ്രണ്ട് വീല്‍ ഡ്രൈവ്, ഓള്‍ വീല്‍ ഡ്രൈവ് വകഭേദങ്ങളില്‍ വിപണിയിലെത്തും.  Mercedes-Benz EQB. (Photo: Mercedes-Benz)

66.5 കിലോവാട്ട് ഔര്‍ മുതലുള്ള ബാറ്ററി പാക്ക് നല്‍കും. മോട്ടോറുകള്‍ ഏകദേശം 270 ബിഎച്ച്പി കരുത്ത് ഉല്‍പ്പാദിപ്പിക്കും.  Mercedes-Benz EQB. (Photo: Mercedes-Benz)

 'എഎംജി’ വേരിയന്റുകള്‍ 290 ബിഎച്ച്പി വരെ കരുത്ത് പുറപ്പെടുവിക്കും.  Mercedes-Benz EQB. (Photo: Mercedes-Benz)

ഡബ്ല്യുഎല്‍ടിപി അനുസരിച്ച്, സ്റ്റാന്‍ഡേഡ് മോഡലിന് 470 കിലോമീറ്ററായിരിക്കും ഡ്രൈവിംഗ് റേഞ്ച്.  Mercedes-Benz EQB. (Photo: Mercedes-Benz)

വലിയ ബാറ്ററി പാക്ക് നല്‍കി കൂടുതല്‍ റേഞ്ച് ലഭിക്കുന്ന വേര്‍ഷനും പരിഗണനയിലാണ്.  Mercedes-Benz EQB. (Photo: Mercedes-Benz)

ഒക്ടോബറിൽ വിൽപ്പനയ്ക്കെത്തിയ ‘ഇ ക്യു സി’ക്ക് 99.30 ലക്ഷം രൂപയായിരുന്നു ഇന്ത്യയിലെ ഷോറൂം വില. ആദ്യ ബാച്ചിലെ കാറുകൾ വിറ്റുപോയതോടെ ‘ഇ ക്യു സി’ക്കുള്ള ബുക്കിങ് മെഴ്സിഡീസ് ബെൻസ് താൽക്കാലികമായി നിർത്തുകയും ചെയ്തിരുന്നു.  Mercedes-Benz EQB. (Photo: Mercedes-Benz)

 രാജ്യത്തെ 50 നഗരങ്ങളിലെ 94 കേന്ദ്രങ്ങളിലും ‘ഇ ക്യു സി’യുടെ വിൽപ്പനാന്തര സേവനം ലഭ്യമാക്കാനുള്ള ഉപകരണങ്ങളും പരിശീലനം ലഭിച്ച ജീവനക്കാരുടെയും സാന്നിധ്യം ഉറപ്പാക്കിയതായി മെഴ്സിഡസ് ബെൻസ് ഇന്ത്യ അറിയിച്ചു.  Mercedes-Benz EQB. (Photo: Mercedes-Benz)

ആഗോളതലത്തിൽ തന്നെ വൈദ്യുത വാഹനങ്ങൾ(ഇ വി) വ്യാപകമാക്കാനായി ‘ഇ വി ആദ്യം മുതൽ ഇ വി മാത്രം’(ഇ വി ഫസ്റ്റ് ടു ഇ വി ഒൺലി) എന്ന വിപണനതന്ത്രമാണ് കമ്പനി ആവിഷ്കരിച്ചിരിക്കുന്നതെന്ന് മെഴ്സിഡസ് ബെൻസ് ഇന്ത്യ മാനേജിങ് ഡയറക്ടറും ചീഫ് എക്സിക്യൂട്ടീവ് ഓഫിസറുമായ മാർട്ടിൻ ഷ്വെങ്ക് വെളിപ്പെടുത്തി.  Mercedes-Benz EQB. (Photo: Mercedes-Benz)