പാലാ ഉപതെരഞ്ഞെടുപ്പ്; മാണി സി കാപ്പന്‍ പത്രിക സമര്‍പ്പിച്ചു

പാലാ: പാലാ ഉപതെരഞ്ഞെടുപ്പില്‍  ഇടതു മുന്നണി സ്ഥാനാര്‍ഥി മാണി സി കാപ്പന്‍ നാമനിർദ്ദേശ പത്രിക സമർപ്പിച്ചു. ശനിയാഴ്ച ളാലം ബ്ലോക്ക് ഓഫീസിലെത്തിയാണ് നാമനിര്‍ദേശ പത്രിക സമര്‍ച്ചത്.

ളാലം ബി.ഡി.ഒ മുൻപാകെ  രണ്ട് സെറ്റ് പത്രികകളാണ് മാണി സി കാപ്പന്‍ സമര്‍പ്പിച്ചത്.

പാലായിലെ ഓട്ടോ തൊഴിലാളികളാണ് മാണി സി കാപ്പന് കെട്ടിവയ്ക്കാനുള്ള പണം സമാഹരിച്ചു നൽകിയത്. 

പാലാ ടൗണില്‍ പ്രചാരണം നടത്തിയ ശേഷമാണ് മാണി സി കാപ്പന്‍ പത്രിക സമര്‍പ്പിക്കാനാനെത്തിയത്. സി.പി.എം ജില്ലാ സെക്രട്ടറി വി.എന്‍ വാസവന്‍ ഉള്‍പ്പടെയുള്ള ഇടതു നേതാക്കൾ മാണി സി കാപ്പനൊപ്പമുണ്ടായിരുന്നു.