Covid19 Impact|സാനിയയെയും കുഞ്ഞിനെയും കാണാൻ ഷോയിബ് മാലിക്ക് ഇനിയും കാത്തിരിക്കണം

ഇസ്ലാമാബാദ്: കോവിഡ് വ്യാപനത്തെ തുടർന്ന് ഇന്ത്യയിലേക്കുള്ള യാത്രാ നിയന്ത്രണങ്ങൾ കർശനമാക്കിയതോടെ ഭാര്യ സാനിയ മിർസയേയും കുഞ്ഞിനേയും കാണാൻ പാക് ക്രിക്കറ്റ് താരം ഷുഐബ് മാലിക്കിന് ഇനിയും കാത്തിരിക്കേണ്ടി വരും.

ഇംഗ്ലണ്ട് പര്യടനത്തിനുള്ള പാകിസ്താൻ ടീമിൽ അംഗമായിരുന്ന മാലിക്കിന് ഭാര്യയേയും കുഞ്ഞിനേയും കാണാനുള്ള അവസരമൊരുക്കുന്നതിനായി ടീമിനൊപ്പം ഇംഗ്ലണ്ടിലേക്ക് പോകുന്നതിൽ മാലിക്കിന് ഇളവ് നൽകിയിരുന്നു.

എന്നാൽ കോവിഡിനെ തുടർന്ന് ഏർപ്പെടുത്തിയ ലോക്ക്ഡൗണും യാത്രാ നിയന്ത്രണങ്ങളും മാലിക്കിന് വിനയായിരിക്കുകയാണ്. നിലവിലെ യാത്രാ നിരോധനം നീങ്ങിയാൽ മാത്രമേ മാലിക്കിന് ഇന്ത്യയിലേക്ക് എത്താൻ കഴിയുകയുള്ളൂ.

പാക് ടീം പരമ്പരയ്ക്കായി കഴിഞ്ഞമാസം ഇംഗ്ലണ്ടിലേക്ക് പോയി. മാലിക്ക് ഹൈദരാബാദിലുള്ള സാനിയയേയും കുഞ്ഞിനേയും കണ്ടശേഷം ജൂലൈ 24-ന് ഇംഗ്ലണ്ടിലുള്ള ടീമിനൊപ്പം ചേർന്നാൽ മതിയെന്നായിരുന്നു ക്രിക്കറ്റ് ബോർഡിന്റെ നിർദേശം. ഇത് ഓഗസ്റ്റിലേക്ക് മാലിക്കിന് നീട്ടി നൽകി.

ഇന്ത്യ അന്താരാഷ്ട്ര വിമാന സർവീസുകൾക്കുള്ള നിരോധനം ജൂലൈ 31 വരെ നീട്ടി. ഇതോടെ മാലിക്കിന് നിശ്ചയിച്ച സമയത്ത് ഹൈദരാബാദിൽ എത്തി സാനിയയെയും കുഞ്ഞിനെയും കാണാൻ കഴിഞ്ഞില്ല.

ആറു മാസത്തോളമായി സാനിയയും മാലിക്കും തമ്മിൽ കട്ടിണ്ട്. എന്ന് മാലിക്കിനെ ഇനി കാണാൻ കഴിയുമെന്ന് അറിയില്ലെന്ന് സാനിയ പറഞ്ഞതായി ഇന്ത്യൻ എക്സ്പ്രസ് റിപ്പോർട്ട് ചെയ്തിരുന്നു.

മാലിക്ക് പാകിസ്ഥാനിലും താൻ ഇന്ത്യയിലുമാണെന്നും മകൻ ഇഷാന് എന്ന് അവന്റെ അച്ഛനെ കാണാനാകുമെന്ന് അറിയില്ലെന്ന് സാനിയ പറഞ്ഞതായി ഇന്ത്യൻ എക്സ്പ്രസ് റിപ്പോർട്ട് ചെയ്തിരുന്നു.