വനിതകളുടെ ജിംനാസ്റ്റിക്സ് വോൾട്ട് ടീം ഇനത്തിൽ മത്സരിക്കുന്ന അമേരിക്കയുടെ സിമോൺ ബൈൽസ്. ഇതിന് ശേഷമാണ് തന്റെ മാനസികവും ശാരീരിക ആരോഗ്യവും കണക്കിലെടുത്ത് താൻ മത്സരത്തിൽ പിന്മാറുകയാണെന്ന് ബൈൽസ് പ്രഖ്യാപിച്ചത്. 'ട്വിസ്റ്റീസ്' എന്ന് പറയുന്ന ഒരു മാനസികാവസ്ഥയാണ് താരം നേരിട്ടിരുന്നത്. ഈ രോഗാവസ്ഥയിലൂടെ കടന്ന് പോകുമ്പോൾ ജിംനാസ്റ്റുകൾക്ക് വായുവിലൂടെയുള്ള പ്രകടനം നടത്തുമ്പോൾ ഏകാഗ്രത നിലനിർത്താൻ കഴിയുകയില്ല. REUTERS/Lindsey Wasson
വനിതകളുടെ മോഡേൺ പെന്റാത്ലൺ റൈഡിംഗ് വിഭാഗത്തിൽ വാമപ്പ് മത്സരത്തിൽ ജർമനിയുടെ അന്നികാ ഷ്ലെയു തന്റെ കുതിരയായ സെന്റ് ബോയ് താരത്തിന്റെ വാക്കുകൾക്ക് ചെവി കൊടുക്കാതെ മോശമായി പെരുമാറുകയും തുടർന്ന് ജർമൻ താരം പറയുന്നതൊന്നും കേൾക്കാതെ കളത്തിൽ നിൽക്കുകയും ചെയ്തു. ഇതേ പ്രവർത്തി വീണ്ടും വീണ്ടും ആവർത്തിച്ചതോടെ നിരാശയും സങ്കടവും ദേഷ്യവും ഒരുമിച്ച് വന്ന ജർമൻ താരത്തിന് വികാരം അടക്കിപ്പിടിക്കാൻ കഴിയാതെ വരികയും, തുടർന്ന് അലറിക്കരയുകയും ചെയ്തു. കുതിരയുടെ മോശം പെരുമാറ്റത്തെ തുടർന്ന് മത്സരം അവസാനിപ്പിക്കേണ്ടി വന്ന ഷ്ലെയുവിന് ഒളിമ്പിക് മെഡൽ നഷ്ടമാവുകയും ചെയ്തിരുന്നു. REUTERS/Ivan Alvarado