US Capitol | യുഎസ് പാര്‍ലമെന്‍റിലേക്ക് ഇരച്ചുകയറിയ ട്രംപ് അനുകൂലികൾ; ലോകത്തെ ഞെട്ടിച്ച അതിക്രമത്തിലെ കാഴ്ചകൾ

വാഷിംഗ്ടൺ: യുഎസ് പാര്‍ലമെന്‍റ് മന്ദിരത്തിലേക്ക് ഇരച്ചു കയറിയ ട്രംപ് അനുകൂലികൾ നടത്തിയ പ്രതിഷേധങ്ങൾക്കിടെ അഞ്ച് പേർക്കാണ് ജീവൻ നഷ്ടമായത്. . (Image: AP)

പ്രസിഡന്റ് സ്ഥാനത്തേക്കുള്ള ജോ ബൈഡന്റെ വിജയം അംഗീകരിക്കാൻ  യു.എസ് പാർലമെന്റ് സമ്മേളിക്കുന്നതിനിടെയാണ് ആയിരക്കണക്കിനു പേർ യുഎസ് പാര്‍ലമെന്റായ കാപ്പിറ്റോൾ ടവറിലേക്ക് അതിക്രമിച്ചു കടന്നത് (Image: Brendan Gutenschwager/via Reuters)

ജനുവരി ഏഴിന് ഇന്ത്യൻ സമയം പുലർച്ചെ ഒരുമണിയോടെയാണു ലോകത്തെ ഞെട്ടിച്ച നാടകീയ സംഭവം അമേരിക്കൻ പാര്‍ലമെന്‍റ് മന്ദിരത്തിൽ അരങ്ങേറിയത്. (Image: Reuters)

യു.എസ് പ്രസിഡന്റ് സ്ഥാനത്തേക്കുള്ള ജോ ബൈഡന്റെ വിജയം അംഗീകരിക്കില്ലെന്ന് ട്രംപ് അനുകൂലികൾ നേരത്തെ വ്യക്തമാക്കിയിരുന്നു. (Image: Reuters)

പാർലമെന്റിന്റെ ഇരു സഭകളും ചേരുന്നതിനിടെ വൻ സുരക്ഷാ വലയം മറികടന്നാണ് പ്രതിഷേധക്കാർ കാപിറ്റോൾ ടവറിലേക്ക് കടന്നുകയറിയത്.. (Image: Brendan Gutenschwager/via Reuters)

പ്രതിഷേധക്കാരെ ഒഴിപ്പിക്കാനായി സുരക്ഷാ സേന കണ്ണീർവാതകം അടക്കം കടുത്ത നടപടികളാണ് സ്വീകരിച്ചത്. (Image: Reuters)

1998ൽ ഈസ്റ്റ് വിങ് ഗേറ്റിൽ അജ്ഞാതൻ വെടിവയ്പ് നടത്തിയതിന് ശേഷം വലിയ കരുതൽ സുരക്ഷ നടപടികളാണ് ക്യാപിറ്റോളിൽ ഏർപ്പെടുത്തിയത്.  (Image: Reuters)

അതിന് ശേഷവും ഒരു സംഘം ട്രംപ് അനുകൂലികൾക്ക് കോൺഗ്രസ് ചേരുന്ന ഹാളിൽ വരെയെത്താൻ കഴിഞ്ഞത് വലിയ സുരക്ഷാ വീഴ്ചയായാണ് കരുതപ്പെടുന്നത് . (Image: Reuters)

സുരക്ഷാ സേനയുമായി ഒരു ഏറ്റുമുട്ടല്‍ തന്നെ നടത്തിയായിരുന്നു പ്രതിഷേധക്കാർ പാർലമെന്റ് വളപ്പിലേക്ക് കടന്നത്. (Image: Reuters)

ട്രംപിന്റെ ഗുണ്ടകളന്നാണ് ക്യാപിറ്റോൾ വളഞ്ഞ ട്രംപ് അനുകൂലികളെ  അമേരിക്കന്‍ മാധ്യമങ്ങൾ വിളിച്ചത്.  ക്യാപിറ്റോളിലേക്ക് ഇരച്ചു കയറിയതോടെ ആഭ്യന്തര തീവ്രവാദികൾ (ഡൊമസ്റ്റിക് ടെററിസ്റ്റ്) എന്നും വിളിച്ചു.  (Image: Reuters)

രാജ്യത്ത് കലാപം സൃഷ്ടിക്കാനുള്ള ശ്രമമെന്നായിരുന്നു നിയുക്ത പ്രസിഡന്‍റ് ജോ ബൈഡൻ പ്രതികരിച്ചത്,. (Image: AP)

അതേസമയം പ്രതിഷേധക്കാരോടു സമാധാനം പാലിക്കാന്‍ അഭ്യര്‍ഥിച്ച ട്രംപ് ജോ ബൈഡന്റെ വിജയം അംഗീകരിക്കില്ലെന്നാണ് ആവര്‍ത്തിച്ചത് (Image: AP)

ബൈഡന്റെ വിജയം അംഗീകരിക്കരുതെന്ന ട്രംപിന്റെ അഭ്യർഥന നേരത്തെ വൈസ് പ്രസിഡന്റും സെനറ്റിലെ റിപ്പബ്ലിക്കൻ നേതാവുമായ മൈക്ക് പെൻസ് തള്ളിയതിനു പിന്നാലെയാണു നാടകീയ സംഭവങ്ങൾ അരങ്ങേറിയത്. (Image: AP)

ക്യാപിറ്റോള്‍ മന്ദിരത്തില്‍ ട്രംപ് അനുകൂലികൾ നടത്തിയ അതിക്രമത്തിന്‍റെ ദൃശ്യങ്ങൾ. (Image: AP)

ക്യാപിറ്റോളിലെ സുരക്ഷ സേന. (Image: AP)