പുണ്യം തേടി നടി ഷക്കീല; ഉംറയ്ക്കായി മക്കയിലേക്ക് തിരിച്ചു

"ഹാപ്പി ജേർണി മാ, നിങ്ങളുടെ സ്വപ്നം യാഥാർത്ഥ്യമാകുന്നു" എന്ന അടിക്കുറിപ്പോടെയാണ് സുഹൃത്തുക്കൾ താരത്തെ യാത്രയാക്കിയത്. പന്ത്രണ്ടോളം സുഹൃത്തുക്കൾ തനിക്ക് ഒപ്പമുണ്ടെന്നും എല്ലാവരുടെയും പ്രാർത്ഥനകൾ വേണമെന്നും ഷക്കീല വീഡിയോയിൽ പറയുന്നുണ്ട്.

ആത്മീയ പാതയിലേക്കുള്ള മാറ്റം

കഴിഞ്ഞ കുറച്ചു നാളുകളായി ഷക്കീലയുടെ ജീവിതത്തിലുണ്ടായ മാറ്റങ്ങൾ ചർച്ചാവിഷയമായിരുന്നു. നടി മുംതാസുമായുള്ള ഒരഭിമുഖത്തിൽ തന്റെ ഭൂതകാലത്തെക്കുറിച്ചും ചെയ്ത തെറ്റുകളെക്കുറിച്ചും ഷക്കീല വികാരാധീനയായി സംസാരിച്ചിരുന്നു. ജീവിതത്തിൽ ഒരു മാറ്റം ആഗ്രഹിക്കുന്നുവെന്നും ആത്മീയതയിൽ അഭയം കണ്ടെത്താൻ ശ്രമിക്കുകയാണെന്നും താരം അന്ന് വ്യക്തമാക്കിയിരുന്നു. അല്ലാഹു നിങ്ങളെ സഹായിക്കുമെന്നും പ്രാർത്ഥന കൈവിടരുതെന്നുമാണ് മുംതാസ് അന്ന് നൽകിയ മറുപടി.

advertisement

സിനിമയിൽ നിന്ന് ജീവിതത്തിലേക്ക്

90-കളിൽ തെന്നിന്ത്യൻ ബോക്സ് ഓഫീസ് ഭരിച്ചിരുന്ന ഷക്കീല ഇന്ന് സിനിമയിൽ അത്ര സജീവമല്ല. എങ്കിലും തമിഴ് റിയാലിറ്റി ഷോയായ 'കുക്ക് വിത്ത് കോമാളി'യിലൂടെ പ്രേക്ഷകർക്ക് മുൻപിൽ അവർ വീണ്ടും എത്തിയിരുന്നു. തന്റെ യൂട്യൂബ് ചാനലിലൂടെയുള്ള അവതരണവും വലിയ രീതിയിൽ ശ്രദ്ധിക്കപ്പെട്ടിരുന്നു. മക്കയിലേക്കുള്ള ഈ യാത്ര ഷക്കീലയുടെ ജീവിതത്തിലെ പുതിയൊരു അധ്യായത്തിന്റെ തുടക്കമായാണ് ആരാധകർ കാണുന്നത്.

Summary: Former South Indian actress Shakeela has traveled to Mecca to perform Umrah, a spiritual journey she has long wished for. A video shared by her close friend Satish Christopher shows the actress at the airport, dressed in a traditional Abaya, being bid farewell by her friends. Recently, Shakeela had expressed her desire for a spiritual transformation and a move away from her past life in an emotional conversation with actress Mumtaz. This pilgrimage is seen as a significant step in her new life journey.