ഒളിച്ചുകളിക്കിടെ കണ്ടെയ്നറിനകത്ത് കയറിയിരുന്ന് ഉറങ്ങിപ്പോയ ബംഗ്ലദേശ് ബാലൻ ആറു ദിവസം കഴിഞ്ഞ് എത്തിയത് മലേഷ്യയിൽ

കണ്ടെയ്നറിൽ കയറി ഉറങ്ങിയ ബാലൻ പിന്നീടിറങ്ങുന്നത് 3000 കിലോമീറ്റർ അകലെ മലേഷ്യയിലെ പോർട്ട് ക്ലാങ്ങിലാണ്. അവശനായ നിലയിൽ ഈ മാസം 17ന് കപ്പലിലെ കണ്ടെയ്നറിൽ നിന്നാണ് അധികൃതർ കുട്ടിയെ കണ്ടെത്തിയത്. കണ്ടെയ്നറിൽ കുട്ടി കരയുന്ന ശബ്ദം കേട്ടാണ് അധികൃതർ ശ്രദ്ധിച്ചത്.

Also Read-വിവാഹച്ചടങ്ങ് തീരുന്നതിന് മുൻപ് വരൻ മുറിയിൽ കയറി വന്നു; വിവാഹം ഉപേക്ഷിച്ച് വധു

ആരോഗ്യനില വീണ്ടെടുത്ത കുട്ടി ചികിത്സയിലാണ്. ‌മനുഷ്യക്കടത്തല്ലെന്നു പ്രാഥമിക അന്വേഷണത്തിൽ വ്യക്തമായതായി മലേഷ്യൻ ആഭ്യന്തര മന്ത്രാലയം. കുട്ടി കണ്ടെയ്നറിൽ നിന്ന് പുറത്തിറങ്ങിവരുന്ന ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്.

advertisement