കഴിഞ്ഞ വർഷം ഒരു ബ്രോക്കർ വഴിയാണ് ഇരുവരും പരിചയപ്പെട്ടത്. ജനുവരിയിൽ വിവാഹനിശ്ചയം നടന്നു. ഇവരുടെ വിവാഹം നവംബറിലായിരുന്നു നിശ്ചയിച്ചിരുന്നത്. ഹോട്ടൽ ബുക്കിംഗുകൾ നടത്തുകയും വിവാഹത്തിന് മുമ്പുള്ള ഫോട്ടോ ഷൂട്ടുകൾ പൂർത്തിയാക്കുകയും ചെയ്തിരുന്നു. ചൈനയുടെ പല ഭാഗങ്ങളിലുമുള്ള ആചാരമനുസരിച്ച്, വരന്റെ കുടുംബം വധുവിന്റെ കുടുംബത്തിന് 2,00,000 യുവാൻ (ഏകദേശം 25 ലക്ഷം രൂപ) വിവാഹ സമ്മാനമായി നൽകിയിരുന്നു. എന്നാൽ, വിവാഹത്തിന് ഏതാനും ആഴ്ചകൾക്ക് മുമ്പ് യുവതി പെട്ടെന്ന് വിവാഹബന്ധത്തിൽ നിന്ന് പിന്മാറുകയായിരുന്നു.
advertisement
ആലിംഗന ഫീസ്
ഹെനാൻ ടിവിയുടെ റിപ്പോർട്ട് അനുസരിച്ച്, വരൻ "അമിതമായ സത്യസന്ധനും" സാമ്പത്തികമായി "ശോഷിച്ചവനും" എന്ന് യുവതി തന്റെ ബ്രോക്കറോട് പറഞ്ഞു. വിവാഹ സമ്മാനമായി നൽകിയ പണം തിരികെ നൽകാൻ സമ്മതിച്ചെങ്കിലും, ഫോട്ടോഷൂട്ടിനിടെ കെട്ടിപ്പിടിച്ചതിന് 30,000 യുവാൻ (ഏകദേശം 4 ലക്ഷം രൂപ)'ആലിംഗന ഫീസ്' ആയി കിഴിവ് ചെയ്യണമെന്ന് യുവതി നിർബന്ധിച്ചു. ഫോട്ടോഗ്രാഫറുടെ ആവശ്യപ്രകാരമാണ് ഫോട്ടോ ഷൂട്ടിനിടെ ആലിംഗനം ചെയ്തതെന്നാണ് യുവതിയുടെ വാദം.
"പണം തിരികെ നൽകാമെന്നും എന്നാൽ ആലിംഗനം ചെയ്തതിന് ഈ തുകയിൽ നിന്നും 30,000 യുവാൻ കുറയ്ക്കുമെന്നും അവൾ പറഞ്ഞു," ബ്രോക്കർ പ്രാദേശിക മാധ്യമങ്ങളോട് പറഞ്ഞു. "ഒരു പതിറ്റാണ്ടിലേറെയായി ഞാൻ കണ്ടിട്ടുള്ളതിൽ വെച്ച് ഏറ്റവും യുക്തിയില്ലാത്ത കുടുംബമാണ് അവളുടേത്."- ബ്രോക്കർ പറയുന്നു.
വരനോടൊപ്പം ചെലവഴിച്ച സമയത്തുണ്ടായ മറ്റ് ചെലവുകളും ഈ തുകയിൽ ഉൾപ്പെടുന്നുണ്ടെന്ന് യുവതി വ്യക്തത വരുത്തി. "ഞങ്ങൾക്കിടയിൽ വലിയ തർക്കങ്ങളൊന്നുമില്ല. എനിക്ക് അയാളെ വിവാഹം കഴിക്കാൻ താൽപ്പര്യമില്ല, അത്രമാത്രം," യുവതി പറഞ്ഞതായി പ്രാദേശിക മാധ്യമങ്ങള്‍ റിപ്പോർട്ട് ചെയ്തു.
കുടുംബങ്ങൾ തമ്മിൽ ഒത്തുതീർപ്പ്
ചർച്ചകൾക്ക് ശേഷം, യുവതി 1,70,500 യുവാൻ (ഏകദേശം 21 ലക്ഷം രൂപ) വരന്റെ കുടുംബത്തിന് തിരികെ നൽകാൻ ഇരു കുടുംബങ്ങളും തമ്മിൽ ധാരണയായി. ഈ സംഭവം ചൈനീസ് സോഷ്യൽ മീഡിയയിൽ വൈറലാവുകയും 23 ദശലക്ഷത്തിലധികം കാഴ്ചക്കാരെ നേടുകയും ചെയ്തു. ഇതോടെ വധുവിന്റെ വിലയും ബന്ധങ്ങളിലെ ധാർമ്മികതയും സംബന്ധിച്ച് വലിയ ചർച്ചകൾക്കാണ് തുടക്കം കുറിച്ചിരിക്കുന്നത്.
ചൈനയുടെ പല ഭാഗങ്ങളിലും വധുവിന് 1,00,000 (ഏകദേശം 12.5 ലക്ഷം രൂപ) മുതൽ 5,00,000 യുവാൻ (ഏകദേശം 62 ലക്ഷം രൂപ) വരെ വിവാഹധനം നൽ‌കണം. ഇത് പലപ്പോഴും വരന്റെ കുടുംബത്തിന് വലിയ സാമ്പത്തിക ഭാരം ഉണ്ടാക്കാറുണ്ട്.
Summary: The bride called off the wedding, citing the groom's excessive honesty and low income as the reasons. In addition to cancelling the marriage, the young woman has also demanded a fee of four lakh rupees from the groom's family for having hugged him during the photoshoot. The incident took place in China.