ദേഹമാസകലം ആഭരണമണിഞ്ഞ ​ഗോൾഡ് മാന്റെ സ്വർണമെല്ലാം ചെമ്പ്!

ദേഹമാസകലം ആഭരണങ്ങൾ, വെള്ള വസ്ത്രങ്ങൾ, ക്ഷേത്ര സന്ദർശനങ്ങൾ എന്നിവയിലൂടെ പൊതുസമൂഹത്തിൽ ശ്രദ്ധപിടിച്ചുപറ്റിയ ആളാണ് സുരേഷ് കുമാർ. ​ഗോൾഡ് മാൻ സൂര്യ ഭായ് എന്നാണ് ഇയാൾ അറിയപ്പെട്ടിരുന്നത്. ഒരു കോടി വിലമതിക്കുന്ന 12 സ്വർണാഭരണങ്ങൾ ധരിച്ചാണ് സൂര്യ ഭായ് മാർച്ച് 27-ന് ചോദ്യം ചെയ്യലിന് ഹാജരായത്.

ചോദ്യം ചെയ്യലിൽ ആഭരണങ്ങളെല്ലാം അഴിപ്പിക്കുകയും പരിശോധിക്കുകയും ചെയ്തു. ആഭരണങ്ങൾ റോഡിയം പൂശിയ ചെമ്പ് കൊണ്ട് നിർമ്മിച്ച ഡ്യൂപ്ലിക്കേറ്റ് ആഭരണങ്ങളാണെന്ന് സുരേഷ് കുമാർ സമ്മതിക്കുകയായിരുന്നു. ധരിച്ചിരുന്നതിൽ 32 എണ്ണവും വ്യാജ ആഭരണമാണെന്ന് അന്വേഷണ ഉ​ദ്യോ​ഗസ്ഥർ കണ്ടെത്തി.

advertisement

സോഷ്യൽമീഡിയയിലും യൂട്യൂബ് അഭിമുഖങ്ങളിലും കിലോ കണക്കിന് സ്വർണം ധരിച്ചാണ് ഇയാൾ എത്തിയിരുന്നത്. സമൂഹത്തിന് മുന്നിൽ ഗോൾഡ് മാൻ എന്ന പ്രതിച്ഛായ സൃഷ്ടിച്ച സുരേഷ് കുമാർ ജിം ഇൻസ്ട്രക്ടറാണ്. സുരേഷ് കുമാറിന്റെ വരുമാന സ്രോതസുകളെ കുറിച്ച് അന്വേഷണം പുരോ​ഗമിക്കുകയാണ്.