കത്രീനയുടെ പിൻവാങ്ങലിനെത്തുടർന്ന് സ്ലൈസിന്റെ അംബാസിഡറായി കിയാര അദ്വാനി എത്തിയിരുന്നു. ബ്രാൻഡിന്റെ ഏറ്റവും പുതിയ അംബാസിഡറായി അടുത്തിടെ നയൻ‌താര പരസ്യ ചിത്രങ്ങളിൽ പ്രത്യക്ഷപ്പെട്ടതോടെയാണ് കത്രീന വീണ്ടും ചർച്ചയാകുന്നത്. 'ആംസൂത്ര' പോലുള്ള സ്ലൈസിന്റ വലിയ ക്യാംപെയിനുകളുടെ മുഖമായിരുന്നു കത്രീന.
ഒരു ബ്രാൻഡുമായി കരാറിലേർപ്പെടാൻ ഏകദേശം 7 കോടി വരെ കത്രീന വാങ്ങുന്നുണ്ടെന്നാണ് വിവരം. സ്ലൈസിന്റെ അംബാസിഡർ സ്ഥാനത്ത് നിന്നുമുള്ള മാറ്റത്തിലൂടെ വലിയ സാമ്പത്തിക തിരിച്ചടി കത്രീനയ്ക്കുണ്ടായതായാണ് വിലയിരുത്തൽ. 2003ൽ ബൂം എന്ന ചിത്രത്തിലൂടെ ബോളിവുഡിൽ തുടക്കം കുറിച്ച കത്രീനയ്ക്ക് ആദ്യ ചിത്രത്തിൽ വലിയ ബോക്സ് ഓഫീസ് വിജയം കണ്ടെത്താൻ കഴിഞ്ഞിരുന്നില്ല. പിന്നീട് സൽമാൻഖാനൊപ്പം 2005 ൽ പുറത്തിറങ്ങിയ മേനേ പ്യാർ ക്യോൻ കിയ എന്ന ഹിറ്റ് ചിത്രത്തിലൂടെ കത്രീന ചലച്ചിത്ര ലോകത്ത് തന്റെ സ്ഥാനമുറപ്പിച്ചു. സൽമാൻഖാനൊപ്പം ടൈഗർ 3 യിലും വിജയ് സേതുപതിയ്ക്കൊപ്പം മെറി ക്രിസ്തുമസ് എന്നീ ചിത്രങ്ങളിലാണ് കത്രീന അവസാനമായി സ്‌ക്രീനിൽ എത്തിയത്.
advertisement
Summary: Katrina Kaif incurs a loss of Rs seven crores after stepping down as ambassador to soft drinks brand Slice