കൊടുങ്ങല്ലൂർ ശ്രീനാരായണപുരം അഞ്ചാം പരത്തിയിൽ കഴിഞ്ഞ ദിവസം അർദ്ധരാത്രിയോടെയായിരുന്നു സംഭവം. പാമ്പ് പിടുത്തക്കാരനായ ഹരിദാസ് കൊടുങ്ങല്ലൂർ പുല്ലൂറ്റ് നിന്നും പാമ്പിനെ പിടികൂടി തിരികെ ബൈക്കിൽ വരുന്നതിനിടയിലാണ് വാഹനമിടിച്ച് നടുറോഡിൽ പൂച്ച ചത്തു കിടക്കുന്നത് ശ്രദ്ധയിൽപ്പെട്ടത്.
ഇനിയും വാഹനങ്ങൽ കയറി ഇറങ്ങാതിരിക്കാൻ പൂച്ചയെ റോഡരികിലേക്ക് മാറ്റി കിടത്താമെന്നു കരുതിയാണ് ബൈക്കിൽ നിന്നും ഇറങ്ങിയത്. എന്നാൽ പൂച്ചയെ എടുത്തപ്പോഴാണ് ഗർഭിണിയാണോയെന്നു സംശയം തോന്നി. ഉടൻ തന്നെ തൊട്ടടുത്ത കടയിൽ നിന്നും ബ്ലേഡ്‌ വാങ്ങി പൂച്ചയുടെ വയർ കീറി. കുഞ്ഞുങ്ങളെ ഹരിദാസ് സുരക്ഷിതമായി പുറത്തെടുത്തു. കണ്ട് നിന്നവർ പകർത്തിയ വീഡിയോ സമൂഹമാധ്യമങ്ങളിലും വൈറലാണ്.
advertisement
Also Read ഒന്നിനു പിറകെ ഒന്നായി ചത്തത് അഞ്ചുപൂച്ചകൾ; വീട്ടമ്മയുടെ പരാതിയിൽ അയല്‍വാസിക്കെതിരെ കേസ്
പൂച്ച കുഞ്ഞുങ്ങളെ ഹരിദാസ് വീട്ടിലേക്ക് കൊണ്ടുവന്നു. അര മണിക്കൂർ ഇടവിട്ട് ലാക്ടോജൻ കലക്കി സിറിഞ്ചിൽ നിറച്ച് നൽകുന്നുണ്ട്. സ്പോഞ്ച് നിറച്ച കാർഡ് ബോർഡ് പെട്ടിയിലാണ് പൂച്ചക്കുഞ്ഞുങ്ങൾക്ക് കൂടൊരുക്കിയിരിക്കുന്നത്. ഇരുപത് വർഷത്തോളമായി പാമ്പ് പിടുത്തത്തിൽ സജീവമായി രംഗത്തുള്ളയാളാണ് ഹരിദാസ്.