വിനീതിന്റെ പോസ്റ്റിന്റെ പൂർണരൂപം
"കുറച്ച്‌ നാളുകളായി നിങ്ങളോട് ഇത് ചോദിക്കണം എന്ന് വിചാരിക്കുന്നു. ഞങ്ങളുടെ സിനിമകളിലെ പാട്ടുകളുടെ ഓഡിയോ കാസറ്റ് പുറത്തിറക്കിയാല്‍ ആരെങ്കിലും വാങ്ങാന്‍ തയാറാകുമോ? ചില വിദേശ രാജ്യങ്ങളിലേതുപോലെ ഇന്ത്യയിലും ഓഡിയോ കാസറ്റുകള്‍ തിരിച്ചുവരുമെ‌ന്ന് ആരെങ്കിലും കരുതുന്നുണ്ടോ? പഴയ കാലത്തെപ്പോലെ ഫിസിക്കല്‍ കോപ്പികള്‍ സൂക്ഷിക്കാന്‍ ആഗ്രഹിക്കുന്നവരുണ്ടോ? പാട്ടുകള്‍ കേള്‍ക്കാന്‍ വാക്ക്മാനും കാസറ്റ് പ്ലേയറും ഇപ്പോഴും ഉപയോഗിക്കുന്നവരുണ്ടോ? ഒരുപാട് ചോദ്യങ്ങളുണ്ടെന്ന് എനിക്കറിയാം. പക്ഷേ അഭിപ്രായങ്ങള്‍ അറിയുന്നതിനു വേണ്ടിയാണ് ഞാനിത് ചോദിക്കുന്നത്", എന്നായിരുന്നു വിനീത് ഇന്‍സ്റ്റാഗ്രാമിലൂടെ ചോദിച്ചത്.
advertisement
വിനീതിന്റെ പോസ്റ്റിന് പിന്നാലെ മറുപടിയുമായി നിരവധി പേര്‍ രംഗത്തെത്തിയിരുന്നു. എന്നാല്‍ എല്ലാവരെയും അതിശയിപ്പിച്ചു ക്രിക്കറ്റ് താരം സഞ്ജു സാംസണ്‍ നല്‍കിയ മറുപടിയാണ് ഇപ്പോൾ വൈറലായത്. "നിങ്ങള്‍ കാസറ്റുകള്‍ പുറത്തിറക്കുകയാണെങ്കില്‍ ഞാന്‍ ഒരെണ്ണം ഉറപ്പായും വാങ്ങും" എന്നായിരുന്നു സഞ്ജു എഴുതിയ മറുപടി.