TRENDING:
അതേസമയം, മഹാ കുംഭമേളയ്ക്കിടെ പ്രയാഗ് രാജിൽ നിന്ന് ഒരു അപ്രതീക്ഷിത മുഖം ഇന്റർനെറ്റിന്റെ ശ്രദ്ധ പിടിച്ചുപറ്റി. ഈ മുഖം ഒരു മതനേതാവിന്റെയോ ആത്മീയ ആചാര്യന്റെയോ ജനക്കൂട്ടത്തെ ആകർഷിക്കുന്ന ഒരു പ്രമുഖ വ്യക്തിയുടേതോ അല്ല, മറിച്ച് ഇൻഡോറിൽ നിന്നുള്ള ഒരു മാല വിൽപ്പനക്കാരിയുടേതാണ്. ഇവരുടെ അതിശയിപ്പിക്കുന്ന സൗന്ദര്യമാണ് സോഷ്യൽ മീഡിയയിലെ കണ്ണിലുടക്കിയത്.
ആ സ്ത്രീയുടെ പേര് അജ്ഞാതമായി തുടരുന്നുവെങ്കിലും, അവരുടെ ഇരുണ്ട നിറവും ആകർഷകമായ കണ്ണുകളും മൂർച്ചയുള്ള മുഖഭാവങ്ങളും അവരെ നിമിഷനേരംകൊണ്ട് താരമായി ഉയർത്തി. അവരുടെ ഫോട്ടോകളും വീഡിയോകളും സോഷ്യൽ മീഡിയയിൽ വ്യാപകമായി പ്രചരിക്കുകയാണ്. നിരവധിവേര് വിശ്വപ്രസിദ്ധമായ മൊണാലിസയുമായി അവരെ താരതമ്യം ചെയ്യുന്നു.
advertisement
വൈറലായ വീഡിയോയിൽ, ആ സ്ത്രീ ആളുകളാൽ ചുറ്റപ്പെട്ടിരിക്കുന്നതായി കാണാം. പരമ്പരാഗത വസ്ത്രങ്ങൾ, മുത്ത് മാലകൾ, കുറഞ്ഞ മേക്കപ്പ്, നീണ്ട മുടി എന്നിവയാൽ അവരുടെ സൗന്ദര്യം ഊട്ടിയുറപ്പിക്കപ്പെടുന്നു. ബാഗും കുറച്ച് മുത്ത് മാലകളും വിൽക്കുന്നതായാണ് വീഡിയോയില് നിന്ന് മനസിലാകുന്നത്. ശിവം ലഖ്റ പങ്കിട്ട വീഡിയോ പെട്ടെന്ന് ശ്രദ്ധ നേടി.
ഇന്റർനെറ്റ് ഉപയോക്താക്കൾ അഭിനന്ദനം പ്രകടിപ്പിക്കാൻ കമന്റ് വിഭാഗത്തിലേക്ക് ഒഴുകിയെത്തി. പോസ്റ്റ് ഹൃദയസ്പർശിയായ ഇമോജികളാൽ നിറഞ്ഞിരുന്നു, എല്ലാവരും 'സുന്ദരി' എന്നാണ് അവരെ അഭിസംബോധന ചെയ്തത്. എന്നാൽ ചിലർ ആ സ്ത്രീക്ക് ചുറ്റിലും ആളുകൾ കൂടിയതിൽ ആശങ്ക പ്രകടിപ്പിച്ചു. ചുറ്റും ആളുകൾ കൂടിനില്ക്കുന്നത് അവരെ അസ്വസ്ഥയാക്കുന്നതായി തോന്നുന്നുവെന്ന് ചിലർ കമന്റ് ചെയ്തു.
Summary: A garland seller at the Maha Kumbh is going viral for her unconventional beauty with many users comparing her features to the famous Mona Lisa
Click here to add News18 as your preferred news source on Google.