Tanya Pardazi|പാരച്യൂട്ട് തുറക്കാൻ വൈകി; സ്കൈഡൈവിങ്ങിനിടെ താഴേക്ക് പതിച്ച് ടിക് ടോക് താരത്തിന് ദാരുണാന്ത്യം

നിലത്തു പതിച്ച താനിയയെ ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻരക്ഷിക്കാനായില്ല. ഒൻഡാരിയോയിൽ ആദ്യ സോളോ സ്കൈഡിവിങ്ങിന് എത്തിയതായിരുന്നു താന്യ. സ്കൈഡിവിങ്ങിനിടെ റിസർവ് പാരച്യൂട്ട് വീർക്കാൻ അനുവദിക്കാത്ത വളരെ താഴ്ന്ന ഉയരത്തിൽപാരച്യൂട്ട് തുറന്നതാണ് അപകടത്തിന് കാരണം.

advertisement

2017 ൽ മിസ് കാനഡ സൗന്ദര്യമത്സരത്തിൽ ഫൈനലിസ്റ്റായിരുന്നു താന്യ. ടൊറന്റോ സർവകലാശാലയിൽ ഫിലോസഫി വിദ്യാർത്ഥിയായിരുന്നു. സോഷ്യൽമീഡിയയിൽ നിരവധി ആരാധകരായിരുന്നു തന്യയ്ക്ക് ഉണ്ടായിരുന്നത്.

കഴിഞ്ഞ വർഷം ചൈനയിലും സാമനമായ രീതിയിൽ ഒരു സോഷ്യൽമീഡിയ താരം മരണപ്പെട്ടിരുന്നു. 160 ഉയരമുള്ള ക്രെയ്നിൽ നിന്ന് വീണായിരുന്നു അന്ന് 23 വയസ്സുള്ള യുവതിയായിരുന്നു മരണപ്പെട്ടത്. സോഷ്യൽമീഡിയയിൽ പോസ്റ്റ് ചെയ്യാൻ വീഡിയോ ചിത്രീകരിക്കുന്നതിനിടയിലായിരുന്നു അപകടം.