ഇന്ത്യ- പാക് മത്സരത്തിനിടെ 24 ക്യാരറ്റ് ഗോൾഡ് ഐഫോൺ നഷ്ടമായി; കിട്ടുന്നവർ തിരിച്ചുതരുക; സഹായം അഭ്യർത്ഥിച്ച് നടി ഉർവ്വശി റൗട്ടേല

advertisement

സോഷ്യൽ മീഡിയയിൽ പങ്കുവച്ച കുറിപ്പിലൂടെയാണ് 24 കാരറ്റ് സ്വർണത്തിന്റെ ഫോൺ നഷ്ടപ്പെട്ട വിവരം അറിയിച്ചത്. അഹമ്മദാബാദിലെ നരേന്ദ്രമോദി സ്‌റ്റേഡിയത്തില്‍ എന്റെ 24 കാരറ്റിന്റെ ഐഫോണ്‍ നഷ്ടമായി. ആര്‍ക്കെങ്കിലും ഫോണിനെക്കുറിച്ച് വിവരം ലഭിക്കുകയാണെങ്കില്‍ ദയവായി സഹായിക്കണം. സഹായിക്കാന്‍ പറ്റുന്ന ആളുകളെ ടാഗ് ചെയ്യൂ.- എന്നാണ് ഉര്‍വശി കുറിച്ചത്.

Also read-തെന്നിന്ത്യന്‍ നായികമാരിൽ ഒന്നാമത് നയന്‍താര; രണ്ടാം സ്ഥാനത്ത് ഈ നായിക; മുൻനിരയിലുള്ള താരങ്ങളുടെ പട്ടിക പുറത്ത്

ഇതിനു പിന്നാലെ ഇത്രയും തിരക്കുള്ള സ്റ്റേഡിയത്തിൽ ഇത്ര വിലയുള്ള ഫോൺ നഷ്ടപ്പെട്ടാൽ അത് പോയതായിട്ട് കണക്കാക്കാനും ആരെങ്കിലും അത് വിറ്റ് കാണുമെന്നും ഉൾപ്പടെ രസകരമായ കമന്റുകളാണ് ഇതിന് വരുന്നത്. പരാതിയിൽ അഹമ്മദാബാദ് പൊലീസ് രം​ഗത്തെത്തിയിട്ടുണ്ട്. പോലീസിനു നൽകിയ പരാതിയുടെ പകർപ്പടക്കം താരം സോഷ്യൽ മീഡിയയിൽ പങ്കുവച്ചു.