തെന്നിന്ത്യന്‍ നായികമാരിൽ ഒന്നാമത് നയന്‍താര; രണ്ടാം സ്ഥാനത്ത് ഈ നായിക; മുൻനിരയിലുള്ള താരങ്ങളുടെ പട്ടിക പുറത്ത്

ദക്ഷിണേന്ത്യന്‍ സിനിമാ മേഖലയിലെ നായികമാരിൽ ആരാണ് ജനപ്രീതിയില്‍ മുന്നിലുള്ളത് എന്നറിയുവാൻ ഏറെ കൗതുകമുള്ളവരാണ് ആരാധകർ. അതുകൊണ്ട് തന്നെ ഓരോ മാസവും ജനപ്രീതിയില്‍ മുന്നിലുള്ള താരങ്ങളുടെ പട്ടിക മീഡിയ കണ്‍സള്‍ട്ടിംഗ് സ്ഥാപനമായ ഓര്‍മാക്സ് മീഡിയ പുറത്തുവിടാറുണ്ട്.

ഇങ്ങനെ ബാഹുബലിയിലൂടെ അനുഷ്‌ക ഷെട്ടിയാണ് ഏറ്റവും ജനപ്രീതി ആദ്യം നേടിയത്. പാന്‍ ഇന്ത്യന്‍ സ്റ്റാറായി അവര്‍ മാറിയിരുന്നു. ഇപ്പോഴിതാ സെപ്റ്റംബറില്‍ ജനപ്രീതിയില്‍ മുന്നിലുള്ള തെന്നിന്ത്യൻ സിനിമ നായികമാരുടെ പട്ടികയാണ് ഇപ്പോള്‍ പുറത്തുവിട്ടിരിക്കുന്നത്.

ഈ പട്ടിക അനുസരിച്ച് ജനപ്രീതിയിലുള്ള തെന്നിന്ത്യന്‍ സിനിമാ നായികമാരില്‍ ഒന്നാം സ്ഥാനത്തുള്ളത് ലേഡി സൂപ്പര്‍ സ്റ്റാര്‍ നയന്‍താരയാണ്. ജവാന്റെ റെക്കോര്‍ഡ് വിജയം നയന്‍താരയ്ക്ക് അനുകൂലമായിരിക്കുകയാണ്.

ജവാൻ കൂടാതെ നയൻതാര നായികയായി ഇരൈവൻ എന്ന സിനിമയും അടുത്തിടെ പുറത്തിറങ്ങിയിരുന്നു. ജയം രവി നായകനായി എത്തിയ ചിത്രമായ ഇരൈവനും നായിക എന്ന നിലയില്‍ നടി നയൻതാരയ്‍ക്ക് ഗുണകരമായി.

പട്ടികയിൽ രണ്ടാം സ്ഥാനത്തുള്ളത് സാമന്തയാണ്. ശാകുന്തളം ബോക്‌സോഫീസില്‍ വന്‍ പരാജയമായി. എന്നാല്‍ ഖുഷിയിലൂടെ സാമന്ത വൻ തിരിച്ചുവരവ് നടത്തിയിരിക്കുകയാണ് എന്നാണ് ഓര്‍മാക്സ് മീഡിയ പുറത്തുവിട്ട പട്ടികയില്‍ നിന്ന് വ്യക്തമാകുന്നത്.

സാമന്ത കരിയറില്‍ ബ്രേക്കെടുത്തിരിക്കുകയാണ്. ചികിത്സയ്ക്കായിട്ടാണ് ഇടവേളയെടുത്തത്. അതുകൊണ്ട് താരമൂല്യത്തില്‍ വരും വര്‍ഷത്തില്‍ പിന്നോട്ട് പോകാന്‍ സാധ്യതയുണ്ട്.

മൂന്നാം സ്ഥാനത്ത് തൃഷയാണ്. പൊന്നിയിന്‍ സെല്‍വനില്‍ മികച്ച വേഷത്തില്‍ എത്തിയത് നടിക്ക് ഗുണകരമായിട്ടുണ്ട്. ദ റോഡാണ് തൃഷയുടേതായി പുറത്തെത്തിയ അവസാന ചിത്രം. വിജയ് നായകനാവുന്ന ലിയോയിലും തൃഷയാണ് നായിക.

തമന്നയാണ് നാലാം സ്ഥാനത്ത്. അഞ്ചാം സ്ഥാനത്ത് കീര്‍ത്തി സുരേഷാണ്. തെലുങ്കിലും തമിഴിലും ഒരുപോലെ പ്രൊജക്ടുകളുമായി നടി സജീവമാണ്. സായ് പല്ലവി, ജ്യോതിക, പ്രിയങ്ക മോഹന്‍, ശ്രുതി ഹാസന്‍, അനുഷ്‌ക ഷെട്ടി എന്നിവരാണ് പത്ത് വരെയുള്ള സ്ഥാനങ്ങളില്‍.