വിജയ് ദേവരകൊണ്ടയും രശ്മിക മന്ദാനയും പുതിയ ഫാംഹൗസിന്റെ പാലുകാച്ചല്‍ ചടങ്ങിനെത്തി സത്യനാരായണ പൂജയിൽ പങ്കെടുത്തു

തുമ്മൻപേട്ടയിൽ ഉജ്ജ്വല സ്വീകരണം

വിജയ് ദേവരകൊണ്ടയുടെയും രശ്മികയുടെയും ഫാൻ പേജുകളിൽ പ്രചരിക്കുന്ന വീഡിയോകളിൽ ഇരുവരും തുമ്മൻപേട്ടയിൽ എത്തുന്ന ദൃശ്യങ്ങളുണ്ട്. ഗ്രാമവാസികൾ ദമ്പതികൾക്ക് വൻ സ്വീകരണമാണ് നൽകിയത്. മുതിർന്നവർ പരമ്പരാഗത ചടങ്ങുകൾ നിർവഹിച്ച ശേഷമാണ് ഇരുവരെയും ഫാം ഹൗസിലേക്ക് ആനയിച്ചത്. പേസ്റ്റൽ ഗ്രീൻ നിറത്തിലുള്ള കുർത്തയിലായിരുന്നു വിജയ് എത്തിയത്. രശ്മിക കടും നീല നിറത്തിലുള്ള സിൽക്ക് സാരിയിൽ അതിസുന്ദരിയായിരുന്നു. പൂക്കളാൽ അലങ്കരിച്ച ഇവരുടെ പുതിയ വീടിന്റെ ദൃശ്യങ്ങളും ആരാധകർ ഏറ്റെടുത്തു കഴിഞ്ഞു.

advertisement

അതിനിടെ, കഴിഞ്ഞ ദിവസം അല്ലു അർജുന്റെ അനിയൻ അല്ലു സിരീഷിന്റെ വിവാഹത്തോടനുബന്ധിച്ചുള്ള 'പെള്ളി കൊടുകു' ചടങ്ങിലും ഇരുവരും പങ്കെടുത്തിരുന്നു. അല്ലു അർജുനോടൊപ്പം വിജയും രശ്മികയും നിൽക്കുന്ന ചിത്രങ്ങൾ സോഷ്യൽ മീഡിയയിൽ വൈറലായിരുന്നു. 'പുഷ്പ' സിനിമകളിലെ സഹതാരങ്ങളായ അല്ലു അർജുനും രശ്മികയും വീണ്ടും ഒത്തുചേർന്നത് ആരാധകർക്ക് ആവേശം പകർന്നു.

വിവാഹവിശേഷങ്ങൾ

ഫെബ്രുവരി 26-ന് ഉദയ്പൂരിലെ ഐടിസി മെമെന്റോസിൽ വെച്ച് തെലുങ്ക് - കൊടവ ആചാരപ്രകാരമായിരുന്നു ഇവരുടെ വിവാഹം. വളരെ സ്വകാര്യമായി നടന്ന ചടങ്ങിൽ അടുത്ത കുടുംബാംഗങ്ങൾ മാത്രമാണ് പങ്കെടുത്തത്.

തെലുങ്ക് ആചാരപ്രകാരമുള്ള വിവാഹത്തിന് ഹൈദരാബാദിലെ ചരിത്രപ്രസിദ്ധമായ വാസ്തുവിദ്യയിൽ നിന്ന് പ്രചോദനം ഉൾക്കൊണ്ട് നിർമിച്ച പ്രത്യേക എംബ്രോയ്ഡറിയോട് കൂടിയ തുരുമ്പ് ചുവപ്പ് നിറത്തിലുള്ള സാരിയാണ് രശ്മിക ധരിച്ചത്. വനസിംഗാരം നെയ്ത്തിൽ നിന്ന് പ്രചോദനം ഉൾക്കൊണ്ടുള്ള ഐവറി ധോത്തിയും ചുവന്ന അങ്കവസ്ത്രവുമായിരുന്നു വിജയുടെ വേഷം.

Summary: Newlyweds Vijay Deverakonda and Rashmika Mandanna received a grand welcome at Vijay's ancestral village, Thummanpet in Telangana, on March 2. The couple, who tied the knot in an intimate ceremony in Udaipur on February 26, visited the village to perform a Satyanarayana Puja at their newly constructed farmhouse. Vijay looked dapper in a pastel green kurta, while Rashmika stunned in a dark blue silk saree. The couple was greeted with traditional rituals by village elders before entering their flower-decorated farmhouse.