അമ്മയുടെ സാരി വീണുപോയി; പത്താം നിലയുടെ ബാൽക്കണിയിൽ നിന്നും മകനെ കെട്ടിയിറക്കുന്ന വീഡിയോ ദൃശ്യം

സംഭവത്തിന്റെ അസ്വസ്ഥാജനകമായ വീഡിയോ ഓൺലൈനിൽ പ്രത്യക്ഷപ്പെട്ടു. ഇത് അതിവേഗം വൈറലാകുകയും കാഴ്ചക്കാരെ ഭയപ്പെടുത്തുകയും ചെയ്തു. പത്താം നിലയിലെ ബാൽക്കണി റെയിലിംഗിൽ കെട്ടിയിരിക്കുന്ന ഒരു ബെഡ്ഷീറ്റിൽ തൂങ്ങിക്കിടക്കുന്ന ഒരു ആൺകുട്ടിയെ, അവന്റെ അമ്മയും മറ്റ് കുടുംബാംഗങ്ങളും മുകളിൽ നിന്ന് തുണിയിൽ മുറുകെ പിടിക്കുന്നത് വൈറൽ ക്ലിപ്പിൽ കാണാം.

ഫരീദാബാദിലെ സെക്ടർ 82 ലെ ഫ്ലോറിഡ അപ്പാർട്ട്മെന്റ് സമുച്ചയത്തിലാണ് സംഭവം നടന്നതെന്ന് റിപ്പോർട്ടുകൾ പറയുന്നു. പൂട്ടിയിട്ടിരിക്കുന്ന അപ്പാർട്ട്മെന്റിന്റെ ബാൽക്കണിയിൽ വീണ സാരി എടുക്കാൻ കുട്ടിയെ ഒമ്പതാം നിലയിലേക്ക് കെട്ടി താഴ്ത്തിയതായി റിപ്പോർട്ടുണ്ട്.

advertisement

മുഴുവൻ സംഭവവും കണ്ട സമീപത്തെ കെട്ടിടത്തിലെ ഒരു താമസക്കാരനാണ് ദൃശ്യം പകർത്തിയത്. പശ്ചാത്തലത്തിൽ, വീഡിയോ പകർത്തിയ വ്യക്തി ഞെട്ടലും ആശങ്കയും പ്രകടിപ്പിക്കുന്നത് കേൾക്കാം. കുട്ടി വഴുതി വീണിരുന്നെങ്കിൽ കെട്ടിടത്തിന്റെ ഉയരം കാരണം അതിന്റെ അനന്തരഫലങ്ങൾ മാരകമാകുമായിരുന്നു എന്ന് അദ്ദേഹം പറയുന്നു.

ഈ ദൃശ്യങ്ങൾ സോഷ്യൽ മീഡിയ പ്ലാറ്റ്‌ഫോമുകളിൽ ശക്തമായ പ്രതികരണങ്ങൾക്ക് കാരണമായിക്കഴിഞ്ഞു. നിരവധി ഉപയോക്താക്കൾ അമ്മയുടെ പ്രവൃത്തിയെ അപലപിച്ചു. ഇവർക്ക് ഭ്രാന്തുണ്ടോ എന്ന് ചോദിച്ച ചിലർ അവർ ചെയ്ത പ്രവർത്തി നിരുത്തരവാദപരമെന്നും വിളിച്ചു.

ഇത്തരം സംഭവങ്ങൾ ആവർത്തിക്കാതിരിക്കാൻ കർശന നടപടി സ്വീകരിക്കണമെന്ന് പലരും ആവശ്യപ്പെടുന്നതിനിടെ വീഡിയോ വ്യാപകമായി പ്രചരിക്കുന്നുന്നുണ്ട്.