Viral video | തിളച്ച എണ്ണയിൽ കയ്യിട്ട് ഭക്ഷണം എടുക്കുന്ന സ്ത്രീ; വീഡിയോ വൈറൽ

മസാലയിട്ട് വച്ച പാകമാകാത്ത ഭക്ഷണം എണ്ണയിലിട്ട് വറുത്തുകോരാൻ ഇവർക്ക് സ്വന്തം കൈകൾ തന്നെ ധാരാളം. ഇവർ നിഷ്പ്രയാസം ചെയ്യുന്ന കാര്യം പലരെയും അമ്പരപ്പിച്ചിരിക്കുകയാണ്.

ടിക്ടോക്കിലും ട്വിറ്ററിലുമാണ് ഈ വീഡിയോ പ്രചരിക്കുന്നത്. വീഡിയോയിൽ നോക്കിയാൽ കാണാം, തനിക്കൊന്നും പറ്റിയില്ല എന്ന് കാണിക്കാൻ കൈകൊണ്ട് എണ്ണ കോരിയെടുത്തു ക്യാമറക്കു മുന്നിൽ നീട്ടുന്ന സ്ത്രീയെ. ഇതിൽ കാണുന്ന സ്ത്രീ ഏതു നാട്ടുകാരിയാണെന്നു വ്യക്തമല്ല. (വീഡിയോ ചുവടെ)

ഫസ്റ്റ് വീ ഫീസ്റ് എന്ന പേജിലാണ് ഈ വീഡിയോ തുടക്കത്തിൽ പ്രത്യക്ഷപ്പെട്ടത്. ശേഷം ഒട്ടേറെപ്പേർ ഇത് ഷെയർ ചെയ്യുകയും ചെയ്തു.

ഇതിനു മുൻപും സമാന സംഭവങ്ങൾ അരങ്ങേറിയിട്ടുണ്ട്. മറ്റൊന്നിന്റേയും സഹായമില്ലതെ കൈകൊണ്ട് ചിക്കൻ വറുത്തുകോരുന്ന വീഡിയോ ആണ് അത്. വഴിയോര കച്ചവടക്കാരനാണ് ആ വീഡിയോയിൽ ഏവരെയും അമ്പരപ്പിച്ചത്.

എന്നാൽ ഈ പ്രതിഭാസത്തിനു ശാസ്ത്രീയ വശമുണ്ട്. ലെയ്ഡൻഫ്രോസ്റ് എഫെക്ട് എന്നാണ് ഇതിനു പറയുന്നത്. ചൂട് ലാവാ നിറഞ്ഞ പാത്രമാണെങ്കിൽ പോലും ഒരു കൂസലുമില്ലാതെ അവർ കൈകാര്യം ചെയ്യാൻ സാധ്യതയുണ്ടത്രേ. പണ്ട് ഇന്ത്യയിൽ തന്നെ ഒരാൾ തിളച്ച എണ്ണയിൽ കയ്യിട്ട് ഭക്ഷണം വറുത്തു കോരുന്നത് ചിത്രീകരിച്ചിട്ടുണ്ട്.