വിവാഹമോചനത്തിലൂടെ ലഭിച്ച തുക യുവതി 'സ്വച്ഛ്ഭാരതി'ന് നല്‍കി

ജീവനാംശമായി ലഭിച്ച 45 ലക്ഷം രൂപയാണ് ജമ്മു കശ്മീർ സ്വദേശിയായ മേഘ പദ്ധതിയിലേക്കായി നല്‍കിയത്. ഏഴുവര്‍ഷത്തെ നിയമയുദ്ധത്തിനു ശേഷമാണ് ഇവര്‍ക്ക് വിവാഹമോചനം ലഭിച്ചത്.

താൻ നരേന്ദ്ര മോദിയുടെ വലിയ ആരാധികയാണെന്നും അദ്ദേഹം രാജ്യത്തിനായി നിരവധി നല്ല കാര്യങ്ങൾ ചെയ്യുന്നുണ്ടെന്നും മേഘ പറയുന്നു. വിവാഹമോചനത്തെ കുറിച്ച് സമൂഹത്തിനു ചില തെറ്റായ കാഴ്ചപ്പാടുകളുണ്ട്. കാലങ്ങളായി തുടരുന്ന ഈ തെറ്റിധാരണകളെ കൂടി വെല്ലുവിളിക്കുകയായിരുന്നു മേഘയുടെ ലക്ഷ്യം.

വിവാഹമോചനത്തിലേക്ക് സ്ത്രീകളെ നയിക്കുന്നത് ലഭിക്കാനിരിക്കുന്ന ജീവനാംശം, ആണെന്നാണ് പൊതുവായ ധാരണ. ഇത്തരം തെറ്റിദ്ധാരണകൾക്ക് അറുതി വരണമെന്നും ഈ യുവഡോക്ടർ പറയുന്നു. അതുകൊണ്ടു തന്നെ ഈ തുക സംഭാവന ചെയ്യുന്നതിന് മേഘയ്ക്ക് രണ്ടാമതൊന്ന് ആലോചിക്കേണ്ടി വന്നില്ല.

advertisement