അതേസമയം ജൂണ്‍ 21 മുതല്‍ 18 വയസ്സിന് മുകളിലുള്ളവര്‍ക്ക് വാക്സിന് സൗജന്യമായി നല്‍കുമെന്ന് കേന്ദ്ര സര്‍ക്കാര്‍ അറിയിച്ചിരുന്നു. അതിനാല്‍ രാജ്യത്ത് നിര്‍മ്മിക്കുന്ന വാക്‌സിന്റെ 75 ശതമാനം കേന്ദ്ര സര്‍ക്കാര്‍ നേരിട്ട് വാങ്ങി വിതരണം ചെയ്യും. കേന്ദ്ര സര്‍ക്കാര്‍ അടുത്തിടെ 25 കോടി ഡോസ് കോവിഷീല്‍ഡ് വാക്‌സിനും 19 കോടി ഡോസ് കോവാക്‌സിനും 150 രൂപവച്ച് കമ്പനികളില്‍ നിന്ന് സംഭരിച്ചത്.
Also Read-കോവിഡ് മരണം സ്ഥിരീകരിക്കല്‍ നാളെ മുതല്‍ ജില്ലാടിസ്ഥാനത്തില്‍: മുഖ്യമന്ത്രി പിണറായി വിജയന്‍
advertisement
സംസ്ഥാനങ്ങള്‍ക്ക് കോവാക്സിന് 400 രൂപയ്ക്കും കോലിഷീല്‍ഡ് വാക്സിന് 300 രൂപയ്ക്കുമാണ് കമ്പനികള്‍ ഡോസിന് ഈടാക്കുന്നത്. കേന്ദ്രത്തിന്റെ പുതിയ വാക്സിന് നയത്തില്‍ സ്വകാര്യ ആശുപത്രികള്‍ക്ക് ഈടാക്കാവുന്ന പരമാവധി വില പുനര്‍നിര്‍ണയിച്ചിരുന്നു. സര്‍വീസ് ചാര്‍ജ് ഉള്‍പ്പെടെ കോവിഷീല്‍ഡ് വാക്സിന് 780 രുപയും കോവാക്സിന് 1410 രൂപയുമാണ്.
അതേസമയം രാജ്യത്ത് ആശ്വാസമേകി കോവിഡ് കേസുകള്‍ കുത്തനെ കുറയുന്നു. ഏപ്രില്‍ ഒന്നിന് ശേഷമുള്ള ഏറ്റവും കുറഞ്ഞ പ്രതിദിന കണക്കാണ് കഴിഞ്ഞ ദിവസം രേഖപ്പെടുത്തിയത്. കഴിഞ്ഞ 24 മണിക്കൂറിനിടെ 70,421 കോവിഡ് കേസുകളാണ് റിപ്പോര്‍ട്ട് ചെയ്യപ്പെട്ടത്. 72 ദിവസത്തിന് ശേഷമുള്ള ഏറ്റവും കുറഞ്ഞ കണക്കാണിത്.
Also Read-Covid 19 | സംസ്ഥാനത്ത് ഇന്ന് 7719 പേർക്ക് കോവിഡ്; 161 മരണം; TPR 11.26
ആരോഗ്യ-കുടുംബക്ഷേമ മന്ത്രാലയത്തിന്റെ കണക്കനുസരിച്ച് രാജ്യത്ത് ഇതുവരെ 2,95,10,410 പേര്‍ക്കാണ് കോവിഡ് സ്ഥിരീകരിച്ചത്. ഇതില്‍ 2,81,62,947 പേര്‍ രോഗമുക്തി നേടിയിട്ടുണ്ട്. നിലവില്‍ 9,73,158 സജീവ കേസുകളാണുള്ളത്. രോഗപരിശോധനകളും വിട്ടുവീഴ്ചയില്ലാതെ തുടരുന്നുണ്ട്. ഇന്ത്യന്‍ കൗണ്‍സില്‍ ഓഫ് മെഡിക്കല്‍ റിസര്‍ച്ച് കണക്കുകള്‍ പ്രകാരം കഴിഞ്ഞ ഇരുപത്തിനാല് മണിക്കൂറിനിടെ 14,92,152 സാമ്പിളുകളാണ് പരിശോധിച്ചത്. ഇതുവരെ 37,96,24,626 സാമ്പിളുകളും പരിശോധിച്ചിട്ടുണ്ട്.