പരിശോധനകൾ കുറച്ചിട്ടും ആഗോളതലത്തിൽ കേസുകൾ വർദ്ധിക്കുന്നതിന്‍റെ അർത്ഥം "നമ്മൾ കാണുന്ന കേസുകൾ മഞ്ഞുമലയുടെ അഗ്രം മാത്രമാണ്." എന്ന് അദ്ദേഹം കൂട്ടിച്ചേർത്തു: "തുടർച്ചയായ പ്രാദേശിക വ്യാപനങ്ങളും കുതിച്ചുചാട്ടവും പ്രതീക്ഷിക്കേണ്ടതാണ്, പ്രത്യേകിച്ച് രോഗവ്യാപനം തടയുന്നതിനുള്ള നടപടികൾ എടുത്തുകളഞ്ഞ പ്രദേശങ്ങളിൽ."
ലോകാരോഗ്യ സംഘടനയുടെ കോവിഡ് -19 സാങ്കേതിക വിഭാഗം മേധാവി മരിയ വാൻ കെർഖോവ് പറയുന്നതനുസരിച്ച്, കഴിഞ്ഞ ആഴ്ചയിൽ 11 ദശലക്ഷത്തിലധികം കേസുകൾ ലോകാരോഗ്യ സംഘടനയിൽ റിപ്പോർട്ട് ചെയ്യപ്പെട്ടു. അതിന് മുമ്പുള്ള ആഴ്ചയെ അപേക്ഷിച്ച് എട്ട് ശതമാനം കൂടുതലാണിതെന്നും അവർ പറഞ്ഞു.
advertisement
ഏഷ്യയിലെ വർദ്ധിച്ചുവരുന്ന കേസുകൾക്ക് കാരണമാകുന്ന ഒരു ഘടകം, ഇതുവരെ ഏറ്റവും വ്യാപനശേഷിയുള്ള കൊറോണ വൈറസ് വകഭേദമായ ഒമിക്രോൺ ആണ്. ചില രാജ്യങ്ങളിൽ മാസ്‌കുകൾ, ശാരീരിക അകലം, സഞ്ചാരത്തിനുള്ള നിയന്ത്രണങ്ങൾ തുടങ്ങിയ ആരോഗ്യ നടപടികൾ എടുത്തുകളയുന്നതാണ് മറ്റൊരു കാരണം.
"ലോകത്തിന്റെ പല ഭാഗങ്ങളിലും പ്രത്യേകിച്ച്, ഗുരുതരമായ രോഗം വരാൻ സാധ്യതയുള്ള ആളുകൾക്കിടയിൽ അപൂർണ്ണമായ വാക്സിനേഷനും പ്രശ്നമാണ്."- കെർഖോവ് പറഞ്ഞു.
കേസുകളുടെ എണ്ണം വർധിപ്പിക്കുന്ന മൂന്നാമത്തെ ഘടകം തെറ്റായ വിവരങ്ങളാണ്, ഒമിക്രോൺ സൗമ്യമാണെന്നും പകർച്ചവ്യാധി അവസാനിച്ചുവെന്നും അവർ കൂട്ടിച്ചേർത്തു. "കോവിഡ്-19-നായി ലോകമെമ്പാടും നമുക്ക് വളരെ ശക്തമായ നിരീക്ഷണ സംവിധാനം ആവശ്യമാണ്. നമ്മൾ അഭിമുഖീകരിക്കുന്ന എല്ലാ വെല്ലുവിളികളും ഉണ്ടായിരുന്നിട്ടും, നമ്മൾ ഇപ്പോഴും പരിശോധന നിലനിർത്തേണ്ടതുണ്ട്," അവർ ഊന്നിപ്പറഞ്ഞു.
ഓരോ രാജ്യവും വ്യത്യസ്ത സാഹചര്യങ്ങളെ അഭിമുഖീകരിക്കുന്നതിനാൽ, മഹാമാരി ഇതുവരെ അവസാനിച്ചിട്ടില്ലെന്ന് ലോകാരോഗ്യ സംഘടന മുന്നറിയിപ്പ് നൽകി, എല്ലാ രാജ്യങ്ങളും ജാഗ്രത പാലിക്കണം. WHO ഹെൽത്ത് എമർജൻസി പ്രോഗ്രാമിന്റെ എക്സിക്യൂട്ടീവ് ഡയറക്ടർ മൈക്ക് റയാൻ പറയുന്നതനുസരിച്ച്, വൈറസ് "ഇടയ്ക്കിടെ കൂടുകയും കുറയുകയും ചെയ്യും".
Also Read- Covid 19 | കോവിഡിന്റെ മൂന്നാം തരംഗത്തിൽ ജനങ്ങൾ സ്വയം രോഗനിർണയം നടത്തിയത് എങ്ങനെ?
"നമ്മൾ വളരെ ജാഗ്രത പാലിക്കേണ്ടതുണ്ട്. ഇപ്പോഴത്തെ സാഹചര്യം വളരെ ശ്രദ്ധാപൂർവ്വം നിരീക്ഷിക്കേണ്ടതുണ്ട്, ഏറ്റവും ദുർബലരായവർക്ക് ഉചിതമായ വാക്സിനേഷൻ നൽകുന്നതിൽ ശ്രദ്ധ കേന്ദ്രീകരിക്കേണ്ടതുണ്ട്. എല്ലാ രാജ്യങ്ങളിലും കഴിയുന്നത്ര വേഗത്തിൽ അത് ചെയ്യണം," അദ്ദേഹം പറഞ്ഞു.
Summary- The World Health Organization (WHO) has issued a warning in the wake of rising COVID-19 cases in various countries in Asia and Europe. The World Health Organization (WHO) has called for vaccination to be expanded and for greater vigilance in the fight against the virus. WHO Director-General Tedros Adanom Gebrias told a news conference that cases were on the rise in some parts of Asia.