"മൂന്നാം ഘട്ട കോവിഡ് -19 വാക്സിൻ പരീക്ഷണത്തിൽനിന്നുള്ള ആദ്യ ഫലങ്ങൾ, കോവിഡ് -19 തടയാനുള്ള ഞങ്ങളുടെ വാക്സിൻ ഫലപ്രദമാണെന്ന് വ്യക്തമായിട്ടുണ്ട്," ഫൈസർ ചെയർമാനും സിഇഒയുമായ ആൽബർട്ട് ബൌർല പ്രസ്താവനയിൽ പറഞ്ഞു.
"ആഗോള ആരോഗ്യ പ്രതിസന്ധിക്ക് അറുതി വരുത്താൻ സഹായിക്കുന്നതിന് ലോകമെമ്പാടുമുള്ള ആളുകളെ നല്ലതുപോലെ സഹായിക്കുന്നതിന് ഞങ്ങൾ ഒരു സുപ്രധാന ചുവടുവെപ്പാണ് നടത്തിയിട്ടുള്ളത്." ലോകത്തിന് ആവശ്യമുള്ള സമയത്ത് ഞങ്ങളുടെ വാക്സിൻ വികസന പരിപാടി നിർണായക നാഴികക്കല്ലിലെത്തുകയാണ്”- ബൌർല കൂട്ടിച്ചേർത്തു.
advertisement
ലോകമെമ്പാടുമുള്ള കോവിഡ് -19 അണുബാധകളുടെ നിരക്ക് റെക്കോഡ് വേഗത്തിൽ ഉയരുകയാണ്, ആശുപത്രി തീവ്രപരിചരണ വിഭാഗങ്ങൾ നിറയുകയും മരണസംഖ്യ കൂടുകയും ചെയ്യുന്നു. 2020 ൽ ആഗോളതലത്തിൽ അഞ്ചു കോടി വാക്സിൻ ഡോസുകളും 2021 ൽ 130 കോടി ഡോസും വിതരണം ചെയ്യാനാകുമെന്ന് പ്രതീക്ഷിക്കുന്നതായി കമ്പനികൾ അറിയിച്ചു. അതേസമയം, ഫൈസറിന്റെ പ്രഖ്യാപനത്തിന് ശേഷം എസ് ആന്റ് പി 500 ട്രാക്കിംഗ് ഓഹരി മൂല്യം തിങ്കളാഴ്ച റെക്കോർഡ് ഉയരത്തിലെത്തി.