13 വയസ്സുമുതൽ പീഡനത്തിന് ഇരയായെന്ന് 17 കാരി; പത്തനംതിട്ടയിൽ 4 പേർ പിടിയിൽ

സ്കൂളിൽ നടന്ന കൗൺസിലിങ്ങിനിടെയാണ് പെൺകുട്ടിയുടെ വെളിപ്പെടുത്തൽ. 13 വയസ്സുമുതൽ താൻ പീഡനത്തിനിരയാകുന്നുണ്ടെന്ന് പെൺകുട്ടി മൊഴി നൽകി. പൊടിയാടി ജങ്‌ഷന് സമീപത്തുനിന്ന് പെൺകുട്ടിയെ ബലമായി കാറിൽ കയറ്റി വീട്ടിലെത്തിച്ചും പീഡിപ്പിച്ചതായാണ് പ്രാഥമിക വിവരം. സംഭവത്തിൽ കൂടുതൽ പേർക്ക് പങ്കുണ്ടെന്നാണ് പോലീസ് നൽകുന്ന സൂചന. കേസിലുൾപ്പെട്ട ഒരാൾ നിലവിൽ ഒളിവിലാണ്. ഇയാൾക്കായി പോലീസ് തിരച്ചിൽ ഊർജിതമാക്കിയിട്ടുണ്ട്. കേസിന്റെ ഗൗരവം പരിഗണിച്ച് കൂടുതൽ വിവരങ്ങൾ പോലീസ് പുറത്തുവിട്ടിട്ടില്ല. പ്രതികളെ വിശദമായി ചോദ്യം ചെയ്തുവരികയാണ്.