രാത്രി സവാരിക്കിടെ കൊച്ചിയിൽ കാറിടിച്ച് കുതിര ചത്തതിന് കുതിരക്കാരനെതിരെ കേസ്

ഫത്തഹുദ്ദീൻ എന്നയാളാണ് അപകടസമയത്ത് കുതിരപ്പുറത്തുണ്ടായിരുന്നത്. റിഫ്ലക്ടർ ലൈറ്റുകൾ ഇല്ലാതെ നിയമം ലംഘിച്ചുള്ള സവാരിയാണ് അപകടത്തിന് കാരണമായതെന്ന് പോലീസ് അറിയിച്ചു. അപകടത്തിൽ കാറിന്റെ മുൻഭാഗം പൂർണമായും തകർന്നു. കാറോടിച്ച ആൾക്കും പരിക്കുകളുണ്ട്.

തുടർന്ന് സ്ഥലത്തെത്തിയ പോലീസ് സംഘം ഫത്തഹുദ്ദീനെ കസ്റ്റഡിയിലെടുത്ത് വൈദ്യപരിശോധനയ്ക്ക് വിധേയനാക്കി. അശ്രദ്ധമായി വാഹനമോടിച്ചതിനും നിയമലംഘനം നടത്തിയതിനും ഇയാൾക്കെതിരെ കേസെടുത്തിട്ടുണ്ട്.