മലപ്പുറം കൂട്ടിലങ്ങാടിയിൽ കല്യാണം മുടക്കിയതിന്റെ പേരിൽ കൂട്ടയടി

കുളപ്പറമ്പ് സ്വദേശിയായ പെൺകുട്ടിയുടെയും പെരുന്താട്ടിരി സ്വദേശിയായ യുവാവിന്റെയും വിവാഹം ഏതാനും ദിവസങ്ങൾക്ക് മുമ്പായിരുന്നു ഉറപ്പിച്ചത്.എന്നാൽ അധികം വൈകാതെ വിവാഹം മുടങ്ങി. പിന്നാലെ യുവാവാണ് വിവാഹം മുടക്കിയതെന്നാരോപിച്ച് പെൺകുട്ടിയുടെ വീട്ടുകാർ യുവാവിന്റെ വീട്ടിൽ പരാതി പറയാനെത്തി.ഇതിൽ പ്രകോപിതനായ യുവാവ് സുഹൃത്തുക്കളുമായി ചേർന്ന് പെൺകുട്ടിയുടെ കുടുംബത്തെ ആക്രമിക്കുകയായിരുന്നു.

സംഭവത്തിന്റെ വീഡിയോ ദൃശ്യങ്ങൾ പുറത്തുവന്നിട്ടുണ്ട്. ആക്രമണത്തിൽ പെൺകുട്ടിയുടെ മാതാവിനും സഹോദരിക്കുമടക്കം മർദനമേറ്റു. പെൺകുട്ടിയുടെ കുടുംബം മലപ്പുറം പോലീസിന് പരാതി നൽകിയിട്ടുണ്ട്.