മരുമകളും കാമുകനും ചേർന്ന് ഭർതൃപിതാവിനെ നടുറോഡിൽ തീകൊളുത്തി കൊന്നു; നാല് പേർ അറസ്റ്റിൽ

കടലൂരിലെ സർക്കാർ ആശുപത്രിയിലാണ് മരണം. രാജേന്ദ്രന്റെ മരുമകളായ ജയപ്രിയയുടെ കാമുകൻ മണികണ്ഠനാണ് കേസിലെ പ്രധാന പ്രതി. 39കാരനായ മണികണ്ഠനും 28കാരിയായ മകന്റെ ഭാര്യയും തമ്മിലുള്ള ബന്ധം രാജേന്ദ്രൻ കണ്ടെത്തിയിരുന്നു. ഇവരുടെ ബന്ധത്തെ രാജേന്ദ്രൻ എതിർത്തത് കുടുംബ വഴക്കിന് കാരണമായിരുന്നു. ഇതിലുള്ള പകയാണ് ആക്രമണത്തിന് കാരണമായത്.

ജനുവരി 29 രാത്രി രാജേന്ദ്രൻ ബൈക്കിന് പിന്നിലിരുന്ന് യാത്ര ചെയ്യുമ്പോൾ മണികണ്ഠനും കൂട്ടാളികളും വഴിയിൽ വാനിൽ വന്ന് തടഞ്ഞു. തുടർന്ന് പൊതുജനമധ്യത്തിൽ രാജേന്ദ്രന്റെ ദേഹത്ത് പെട്രോളൊഴിച്ച് തീ കൊളുത്തിയ ശേഷം ഇവർ രക്ഷപ്പെട്ടു. ഈ വീഡിയോ സാമൂഹ്യ മാധ്യമങ്ങളിൽ വൈറലായതോടെ വലിയ രീതിയിലെ ജനരോഷത്തിന് കാരണമായി.

advertisement

വീഡിയോ വൈറലായതോടെ കേസ് രജിസ്റ്റർ ചെയ്ത കടലൂർ പൊലീസ് അന്വേഷണം തുടങ്ങി. പ്രധാന പ്രതി മണികണ്ഠൻ, ജയപ്രിയ എന്നിവരുൾപ്പെടെ നാല് പേരെ അറസ്റ്റ് ചെയ്ത് കോടതിയിൽ ഹാജരാക്കി റിമാൻഡ് ചെയ്തു.

Summary: A daughter-in-law and her lover set her father-in-law on fire on the middle of the road. The 64-year-old man, who was undergoing treatment for serious burns in the incident that took place on Thursday, died on Saturday. The shocking incident took place in Cuddalore district of Tamil Nadu. An elderly man named Rajendran, a native of Maligampattu under the Kadampuliyur police station limits, was set on fire by a group of people after pouring petrol on him