മകന് ലഹരി നൽകരുതെന്ന് വിലക്കിയിട്ടും ഫലമില്ല; മദ്യവും കഞ്ചാവും നൽകിയ സുഹൃത്തിനെ കുത്തി പിതാവ്

വിജിൻ തന്റെ മകന് സ്ഥിരമായി മദ്യവും കഞ്ചാവും നൽകി ലഹരിക്ക് അടിമയാക്കുന്നത് ശ്രദ്ധയിൽപ്പെട്ട സതീഷ് കുമാർ ഇത് നേരത്തെ പലതവണ വിലക്കിയിരുന്നു. എന്നാൽ വിജിൻ ഇത് തുടർന്നതാണ് പ്രകോപനത്തിന് കാരണമായത്. ശനിയാഴ്ച വൈകിട്ട് കരിക്കകം റെയിൽവേ പാലത്തിന് സമീപത്തുവെച്ച് ഇരുവരും തമ്മിൽ ഈ വിഷയത്തെച്ചൊല്ലി രൂക്ഷമായ തർക്കമുണ്ടാകുകയും, തുടർന്ന് സതീഷ് കുമാർ താൻ കരുതിയിരുന്ന കത്തി ഉപയോഗിച്ച് വിജിനെ ആക്രമിക്കുകയും ചെയ്തു.

ആക്രമിക്കപ്പെട്ട വിജിൻ വിക്ടർ പേട്ട പോലീസ് സ്റ്റേഷനിൽ കാപ്പ ഉൾപ്പെടെ അഞ്ചോളം ക്രിമിനൽ കേസുകളിൽ പ്രതിയാണെന്ന് പോലീസ് അറിയിച്ചു. സംഭവത്തിന് ശേഷം അറസ്റ്റിലായ സതീഷ് കുമാറിനെ കോടതിയിൽ ഹാജരാക്കി റിമാൻഡ് ചെയ്തു.

advertisement