ക്ഷേത്ര കവർച്ച: പ്രതി അതേ ക്ഷേത്രത്തിലെ മുൻ പൂജാരി;ഞെട്ടിച്ച് സിസിടിവി ദൃശ്യങ്ങൾ

കഴിഞ്ഞ ഡിസംബറിലായിരുന്നു വടമൺ ക്ഷേത്രത്തിൽ മോഷണം നടന്നത്. ക്ഷേത്ര ഗേറ്റിന്റെ പൂട്ട് തകർത്ത് അകത്തുകയറിയ പ്രതി, ശ്രീകോവിലിന് മുന്നിലെ കാണിക്കവഞ്ചികൾ കുത്തിപ്പൊളിച്ച് പണം കവരുകയായിരുന്നു. ക്ഷേത്ര ഭാരവാഹികളുടെ പരാതിയിൽ പോലീസ് നടത്തിയ അന്വേഷണത്തിൽ സിസിടിവി ദൃശ്യങ്ങളാണ് പ്രതിയെ തിരിച്ചറിയാൻ സഹായിച്ചത്. ഇയാൾ ഏതാനും മാസങ്ങൾ ഈ ക്ഷേത്രത്തിൽ ജോലി ചെയ്തിരുന്നതായും പോലീസ് കണ്ടെത്തി.

മറ്റൊരു മോഷണക്കേസിൽ കൊട്ടാരക്കര പോലീസ് ഇയാളെ നേരത്തെ പിടികൂടിയിരുന്നു. തുടർന്ന് കോടതി മുഖേന കസ്റ്റഡിയിൽ വാങ്ങിയ അഞ്ചൽ പോലീസ് വടമൺ ക്ഷേത്രത്തിലെത്തിച്ച് തെളിവെടുപ്പ് നടത്തി. പ്രതിക്കെതിരെ കൂടുതൽ അന്വേഷണം നടന്നുവരികയാണ്.

advertisement