മോട്ടിവേഷണൽ സ്പീക്കർ 17കാരിയോട് അപമര്യാദയായി പെരുമാറിയെന്ന പരാതിയിൽ കണ്ണൂർ സ്വദേശി അറസ്റ്റിൽ

വിദ്യാഭ്യാസ വകുപ്പിന്റെ കരിയർ ഗൈഡൻസ് ആൻഡ് അഡോളസന്റ് കൗൺസിലിങ് വിഭാഗം സംസ്ഥാന ഫാക്കൽറ്റിയായി പ്രവർത്തിച്ചു വരികയായിരുന്നു ഷാജു. മാസ്റ്റർ ട്രെയിനർ എന്ന നിലയിൽ അറിയപ്പെട്ടിരുന്ന ഇയാൾ നിരവധി ബോധവൽക്കരണ ക്ലാസുകൾ നയിച്ചിട്ടുണ്ട്. കൗൺസിലിങ്ങിനായി എത്തിയ കുട്ടിയോട് അതിക്രമം കാട്ടിയെന്നാണ് പരാതി. മുൻപും സമാനമായ ആരോപണങ്ങൾ ഇയാൾക്കെതിരെ ഉയർന്നിട്ടുള്ളതായി പോലീസ് സൂചിപ്പിച്ചു.

സമൂഹമാധ്യമങ്ങളിൽ മോട്ടിവേഷനൽ വീഡിയോകളിലൂടെ ശ്രദ്ധേയനായ ഇയാൾ സൈക്കോളജിസ്റ്റ്, ഫിസിയോതെറാപ്പിസ്റ്റ്, ലൈഫ് സ്കിൽ ട്രെയിനർ എന്നീ നിലകളിലെല്ലാം പ്രവർത്തിച്ചു വരികയായിരുന്നു. കൗൺസിലിംഗിന് എത്തുന്നവരുടെ വിശ്വാസം നേടിയെടുത്ത് ഇയാൾ പീഡനം നടത്തുകയായിരുന്നുവെന്നാണ് പ്രാഥമിക നിഗമനം.

advertisement