കഞ്ചാവുമായി പിടിയിലായ മേക്കപ്പ് ആര്‍ട്ടിസ്റ്റ് രഞ്ജിത്ത് ഗോപിനാഥനെ ഫെഫ്ക്കയില്‍ നിന്ന് സസ്പെന്‍ഡ് ചെയ്തു

കാറിന്റെ ഡിക്കിയില്‍ സൂക്ഷിച്ച നിലയിലായിരുന്നു 45 ഗ്രാം ഹൈബ്രിഡ് കഞ്ചാവ്. തുടര്‍ന്ന് നടത്തിയ പരിശോധനയില്‍ കൊച്ചിയിലെ വീട്ടില്‍ നിന്ന് കഞ്ചാവിന്റെ തണ്ടും വിത്തുകളും പനമ്പള്ളി നഗറിലെ മേക്കപ്പ് സ്റ്റുഡിയോയില്‍ നിന്ന് കൂടുതല്‍ ലഹരി വസ്തുക്കളും കണ്ടെത്തി. കിലോയ്ക്ക് ഒരു കോടിയിലധികം വില വരുന്ന ഹൈബ്രിഡ് കഞ്ചാവ് രഞ്ജിത്തിന് നല്‍കിയവരെ കണ്ടെത്താനുള്ള അന്വേഷണം പുരോഗമിക്കുകയാണ്. 'ആവേശം', 'രോമാഞ്ചം', 'ജാനേമാന്‍' തുടങ്ങി നിരവധി സിനിമകളില്‍ രഞ്ജിത്ത് മേക്കപ്പ് മാനായി പ്രവര്‍ത്തിച്ചിട്ടുണ്ട്.