കാസർഗോഡ് ഭാര്യയെ വെട്ടി പരിക്കേൽപ്പിച്ച് അയൽക്കാരെത്തിയപ്പോൾ ഇറങ്ങിയോടിയ ഭർത്താവ് തൂങ്ങിമരിച്ച നിലയിൽ

വ്യാഴാഴ്ച പുലർച്ചെയാണ് സംഭവം നടന്നത്. മറിയത്തിന്റെ തലയ്ക്കാണ് വെട്ടേറ്റത്. വീട്ടിൽ നിന്ന് നിലവിളിയും ബഹളവും കേട്ട് അയൽക്കാർ ഓടിയെത്തിയപ്പോൾ ഇബ്രാഹിം അവിടെനിന്ന് ഓടി രക്ഷപ്പെട്ടു. അയൽക്കാർ വീടിനുള്ളിൽ പരിശോധിച്ചപ്പോഴാണ് മറിയത്തെ രക്തത്തിൽ കുളിച്ച നിലയിൽ കണ്ടെത്തിയത്. ഉടൻ തന്നെ ഇവരെ സമീപത്തെ ആശുപത്രിയിൽ എത്തിച്ചെങ്കിലും പരിക്ക് ഗുരുതരമായതിനാൽ വിദഗ്ധ ചികിത്സയ്ക്കായി മംഗളൂരുവിലേക്ക് മാറ്റുകയായിരുന്നു.

കാണാതായ ഇബ്രാഹിമിനെപ്പറ്റി നടത്തിയ തിരച്ചിലിനൊടുവിലാണ് വീടിന് സമീപത്തെ മരത്തിൽ ഇയാളെ തൂങ്ങിമരിച്ച നിലയിൽ കണ്ടെത്തിയത്. കുടുംബപ്രശ്നങ്ങളാണ് അക്രമത്തിനും ആത്മഹത്യയ്ക്കും കാരണമായതെന്നാണ് പോലീസിന്റെ പ്രാഥമിക നിഗമനം. സംഭവത്തിൽ ഹൊസ്ദുർഗ് പോലീസ് കേസെടുത്ത് വിശദമായ അന്വേഷണം ആരംഭിച്ചു.

advertisement