ട്രെയിനിൽ സീറ്റ് തർക്കമല്ല; കുത്തിയത് സ്ത്രീകളെ ശല്യം ചെയ്തത് ചോദ്യം ചെയ്തതിന്‌; യാത്രക്കാരനെ കുത്തിയ പ്രതി പിടിയിൽ

ബാൻഡ് കലാകാരനായ പരപ്പനങ്ങാടി സ്വദേശി ദേവദാസിനാണ് കണ്ണിനു സമീപത്തായി കുത്തേറ്റത്. ട്രെയിൻ സ്റ്റേഷനിൽ നിർത്താൻ പോകവേ മദ്യക്കുപ്പി കൊണ്ട് സിയാദ് ദേവദാസിനെ ഉപദ്രവിക്കുകയായിരുന്നു.

Also read: സീറ്റിനു വേണ്ടി തർക്കം; ഷൊർണൂരിൽ ട്രെയിനിനുള്ളിൽ യാത്രക്കാരന് കുത്തേറ്റു

തൃശൂരിൽ നിന്നും കയറിയ സിയാദ് ജനറൽ കംപാർട്മെന്റിലെ വനിതായാത്രക്കാരെ ശല്യം ചെയ്തത് ദേവദാസ് ചോദ്യം ചെയ്തു. ഷൊർണുർ വരെ തർക്കം തുടർന്നു. ട്രെയിൻ സ്റ്റേഷനിൽ എത്തുന്നതിനു തൊട്ടുമുൻപ് കയ്യിലെ മദ്യക്കുപ്പി പൊട്ടിച്ച് ദേവദാസിനെ കുത്തുകയായിരുന്നു.

advertisement

പരിക്കേറ്റ ദേവദാസിനെ ആദ്യം സ്വകാര്യ ആശുപത്രിയിലും പിന്നീട് കോഴിക്കോട് മെഡിക്കൽ കോളേജ് ആശുപത്രിയിലും പ്രവേശിപ്പിച്ചു.

സിയാദിന്റെ പേരിൽ തൃശൂർ ഈസ്റ്റ്, പവറട്ടി, ഗുരുവായൂർ പോലീസ് സ്റ്റേഷനുകളിൽ മോഷണം ഉൾപ്പെടെയുള്ള കേസുകളുണ്ട്.