പ്രായപൂര്‍ത്തിയാകാത്ത ആണ്‍കുട്ടിയുമായി ലൈംഗിക ബന്ധത്തിലേര്‍പ്പെട്ട 45കാരിക്കെതിരെയാണ് പോക്സോ ഉൾപ്പടെയുള്ള വകുപ്പുകൾ ചുമത്തി പൊഴിയൂര്‍ പൊലീസ് കേസെടുത്തത്. തിരുവനന്തപുരം ജില്ലാ ചൈല്‍ഡ് ലൈന്‍ അധികൃതരുടെ പരാതിയെ തുടര്‍ന്നായിരുന്നു നടപടി. അമ്മ വഴിയുള്ള ബന്ധു കുട്ടിയെ രണ്ടു വര്‍ഷമായി ലൈംഗികമായി ചൂഷണം ചെയ്യുകയായിരുന്നുവെന്നാണ് പരാതി. ചൈല്‍ഡ് ലൈന്‍ അധികൃതര്‍ നടത്തിയ കൗണ്‍സിലിംഗിനിടെയാണ് പതിനേഴുകാരന്‍ ലൈംഗിക ചൂഷണം വെളിപ്പെടുത്തിയത്. സ്ത്രീ കഴിഞ്ഞ രണ്ട് വര്‍ഷമായി ലൈംഗികമായി ചൂഷണം ചെയ്യുകയായിരുന്നുവെന്ന് കൗമാരക്കാരന്‍ മൊഴി നല്‍കി.
കൗമാരക്കാരനെ രണ്ടു വർഷമായി ലൈംഗിക ചൂഷണം ചെയ്ത വീട്ടമ്മയ്‌ക്കെതിരെ പോക്സോ
advertisement
കൗമാരക്കാരനെ മെഡിക്കല്‍ പരിശോധനക്ക് വിധേയനാക്കിയ ശേഷം മജിസ്‌ട്രേറ്റിന് മുന്നില്‍ ഹാജരാക്കി മൊഴി രേഖപ്പെടുത്തി. സ്ത്രീക്കെതിരെ പോക്സോ പ്രകാരം 3,4,5 വകുപ്പുകള്‍ ചുമത്തിയാണ് എഫ്.ഐ.ആർ രജിസ്റ്റർ ചെയ്തിരിക്കുന്നത്. കൗമാരക്കാരനെ പിന്നീട് മാതാപിതാക്കളുടെ സംരക്ഷണയിൽ വിട്ടയച്ചു.