പൊലീസ് ആദരിച്ച 94-കാരന് 12 കാരിയ്ക്ക് നേരെ ലൈംഗികാതിക്രമം നടത്തിയ കേസിൽ 6 വർഷം തടവ്

2024 മെയിലായിരുന്നു കേസിനാസ്പദമായ സംഭവം. കടയിൽ നിന്നും സാധനങ്ങൾ വാങ്ങി മടങ്ങി വന്ന 12-കാരിയെ മുല്ലപ്പൂ തരാമെന്ന് പറഞ്ഞ് 94-കാരൻ തടഞ്ഞു നിർ‌ത്തുകയായിരുന്നു. ശേഷം, പ്രതിയുടെ വീടിൻ്റെ പുറകിലെ വിറകുപുരയിലേക്ക് കൊണ്ടുപോയി ലൈം​ഗികാതിക്രമം നടത്തിയെന്നാണ് കേസ്.

സംഭവത്തിൽ വടക്കേക്കാട് പൊലീസിൽ കേസ് രജിസ്റ്റർ ചെയ്തു. അതിജീവിതയുടെ മൊഴിയുടെ അടിസ്ഥാനത്തിലാണ് കേസ് രജിസ്റ്റർ ചെയ്തു അന്വേഷണം പൂർത്തീകരിച്ച് കുറ്റപത്രം സമർപ്പിച്ചത്. പ്രോസിക്യൂഷന് വേണ്ടി അഡ്വ. കെ എസ് ബിനോയ് ഹാജരായി.