വിവാഹ വാഗ്ദാനം നൽകി പതിനഞ്ചോളം യുവതികളെ പീഡിപ്പിച്ച വ്ലോഗർ മൂന്നു പേരുടെ പരാതിയിൽ അറസ്റ്റിൽ

യുവതികളുമായി ഇൻസ്റ്റഗ്രാമിലൂടെ സൗഹൃദം സ്ഥാപിച്ച് പിന്നീട് വിവാഹം വാഗ്ദാനം നൽകി പീഡിപ്പിക്കുന്നതാണ് പ്രതിയുടെ രീതി. നിരവധി സ്ത്രീകളെ ഇയാൾ ലൈംഗീകമായി ചൂഷണം ചെയ്തിട്ടുണ്ടെന്നാണ് വിവരം. യുവതികളുമായി അടുപ്പം സ്ഥാപിച്ച ശേഷം ഫ്ളാറ്റുകളിൽ ഉൾപ്പെടെ എത്തിച്ച് പീഡിപ്പിക്കുകയായിരുന്നു. മൂന്നു യുവതികളാണ് ഇയാൾക്കെതിരെ പരാതി നൽകിയത്. യുവതികളുടെ നഗ്നവീഡിയോ ചിത്രീകരിച്ച് ഇയാൾ ഭീഷണിപ്പെടുത്തുകയും ചെയ്തു. യുവതികളില്‍ നിന്ന് പണം വാങ്ങിയതായും പരാതിയില്‍ പറയുന്നു. ഐ‌ടി ആക്ട് പ്രകാരവും പ്രതിക്കെതിരെ കേസെടുത്തിട്ടുണ്ട്.

പതിനഞ്ചു യുവതികളെ യദു പീഡിപ്പിച്ചതായി പൊലീസ് പറയുന്നു. കൂടുതൽ പരാതികൾ വരാന്‍ സാധ്യതയുണ്ടെന്നാണ് തൃശൂർ ക്രൈം ഡിറ്റാച്ച്മെന്റ് നൽകുന്ന സൂചന. പീഡനത്തിന് ഇരയായ മറ്റ് യുവതികളുടെയും മൊഴിയെടുക്കാനുള്ള നീക്കം തുടങ്ങിയിട്ടുണ്ട്.

advertisement