നദിയിൽ തുണി അലക്കുന്നതിനിടെ 56 കാരിയെ ലൈംഗികമായി പീഡിപ്പിച്ചു

പരുമല സ്വദേശി സബീറാണ് 56കാരിയെ പീഡിപ്പിച്ചത്. ഇയാൾക്കായി പൊലീസ് തെരച്ചിൽ നടത്തുന്നുണ്ട്. കൊലപാതകക്കേസ് ഉൾപ്പടെയുള്ള നിരവധി കേസുകളിൽ പ്രതിയാണ് ഇയാൾ.

കുളിക്കടവിലിരുന്ന് തുണി അലക്കുന്നതിനിടെ പിറകിലൂടെ നീന്തി കടവിൽ എത്തിയ പ്രതി തുണികൊണ്ട് സ്ത്രീയുടെ മുഖം മൂടിയ ശേഷംമുക്കി കൊല്ലാനും ശ്രമം നടത്തി. ഇവർ പ്രതിരോധിക്കാൻ ശ്രമിച്ചെങ്കിലും പ്രതി കരയിലേക്ക് വലിച്ചിട്ട് പീഡിപ്പിക്കുകയായിരുന്നുവെന്നാണ് പൊലീസ് പറയുന്നത്.

പീഡനശേഷം പ്രതി നദിയിലൂടെ തന്നെ നീന്തി രക്ഷപ്പെടുകയായിരുന്നു. ഇതിന് ശേഷം കുളിക്കടവിലേക്ക് വന്ന മറ്റൊരു സ്ത്രീയാണ് ഈ വിവരം സ്ത്രീയുടെ വീട്ടുകാരെ അറിയിച്ചത്.

advertisement

പ്രതിക്കായി വ്യാപക തെരച്ചിൽ ആരംഭിച്ചിട്ടുണ്ടെന്ന് പൊലീസ് പറഞ്ഞു. അതേസമയം, പ്രതി പ്രദേശത്ത് തന്നെ ഒളിവിൽ ഉണ്ടെന്നാണ് പൊതുവിൽ നിഗമനം.