TRENDING:
ഓൺലൈനിൽ മയക്കുമരുന്ന് ഓർഡർ ചെയ്ത ഋഷിരാജ് സിങ്ങിനുണ്ടായ അനുഭവം
ഔദ്യോഗിക കൃത്യനിര്വഹണത്തില് വീഴ്ച വരുത്തിയ വനിത സിവില് പോലീസ് ഓഫീസറോട് വനിത എസ് ഐ വിശദീകരണം തേടിയിരുന്നു. ഇതുമായി ബന്ധപ്പെട്ട് പൊലീസ് അസോസിയേഷന് ജില്ലാ സെക്രട്ടറിയും സിവില് പൊലീസ് ഓഫീസറുമായ ബിനു ഡേവിഡ് ശകാരിച്ചതായാണ് പരാതി. വെള്ളിയാഴ്ച രാത്രി ഉന്നത പൊലീസ് ഉദ്യോഗസ്ഥന്റെ മുറിയില് വച്ചായിരുന്നു ശകാരം. തുടര്ന്ന് കുഴഞ്ഞു വീണ എസ് ഐയെ തൃശൂര് സഹകരണ ആശുപത്രിയില് പ്രവേശിച്ചു. ആശുപത്രിയിലെത്തിയ ശേഷവും ബിനു ഡേവിഡ് ഫോണിലൂടെ ശകാരിച്ചതിനെ തുടര്ന്നാണ് തൃശൂര് സിറ്റി പൊലീസ് കമ്മീഷണര്ക്ക് പരാതി നല്കിയത്. സംഭവത്തില് അന്വേഷണത്തിന് ഉത്തരവിട്ടതായി കമ്മീഷണര് പറഞ്ഞു.
advertisement
ഗിന്നസിലേക്ക് ജിഎൻപിസി; മൾട്ടിപ്പിൾ കമന്റിന് ലോകറെക്കോർഡോ?
കുന്ദംകുളം എ സി പി യ്ക്കാണ് അന്വേഷണ ചുമതല. സംഭവത്തില് പൊലീസ് ഓഫീസേഴ്സ് അസോസിയേഷനും വനിത എസ് ഐ പരാതി നല്കിയിട്ടുണ്ട്. അസോസിയേഷന് നേതാവെങ്കിലും കീഴുദ്യോഗസ്ഥനായ സിവില് പൊലീസ് ഓഫീസര് വനിതാ എസ് ഐയെ ശകാരിച്ചതില് കടുത്ത പ്രതിഷേധമാണ് ഉന്നത ഉദ്യോഗസ്ഥര്ക്കിടയിലുള്ളത്. എങ്കിലും കേസ് ഒത്തുതീര്പ്പാക്കാനുള്ള ശ്രമങ്ങള് നടക്കുന്നുണ്ട്.