TRENDING:

Explained: ഫോൺ നഷ്ടപ്പെട്ടാൽ ഗൂഗിൾ പേ, പേടിഎം, ഫോൺ പേ എന്നിവ ഉപയോഗിക്കുന്നവർ എന്തു ചെയ്യണം?

Last Updated:

എല്ലാ പേമെന്റ് അപ്ലിക്കേഷനുകളും ഉൾക്കൊള്ളുന്ന ഫോൺ മോഷ്ടിക്കപ്പെട്ടാല്‍ എന്ത് ചെയ്യും?

impactshort
Impact Shortsഗേറ്റ് വേ ഏറ്റവും പുതിയ വാർത്തയ്ക്കായി
advertisement
ഇത് ഡിജിറ്റൽ പണമിടപാടുകളുടെ കാലമാണ്. മൊബൈൽ ഫോണിൽ പണമിടപാട് ആപ്പുകൾ ഉപയോഗിക്കുന്നവരുടെ എണ്ണം ദിനംപ്രതി വർധിക്കുകയാണ്. എന്നാൽ ഫോണ്‍ നഷ്ടപ്പെടുകയാണെങ്കില്‍ പേമെന്റ് ആപ്ലിക്കേഷനുകള്‍ ദുരുപയോഗം ചെയ്യുന്നത് എങ്ങനെ തടയാം എന്ന് കൂടി അറിഞ്ഞിരിക്കണം.
News18 Malayalam
News18 Malayalam
advertisement

പേടിഎം, ഗൂഗിള്‍ പേ, ഫോണ്‍ പേ തുടങ്ങിയ സേവനങ്ങള്‍ ഉപയോഗിക്കുന്നത് ഇന്ന് സർവസാധാരണയായി മാറിയിട്ടുണ്ട്. ഒട്ടുമിക്ക ഉപയോക്താക്കള്‍ക്കും യുപിഐയുമായി ലിങ്കുചെയ്തിരിക്കുന്ന ഫോണുകളില്‍ കുറഞ്ഞത് ഒരു പേമെന്റ് ആപ്ലിക്കേഷനെങ്കിലും ഉണ്ട്. പേമെന്റുകള്‍ നടത്താനോ മറ്റൊരാള്‍ക്ക് പണം കൈമാറാനോ യുപിഐ സുരക്ഷിതവും ലളിതവുമായ മാർഗമാണ്. മറ്റൊരാള്‍ക്ക് നിങ്ങളുടെ ഫോണിലേക്ക് ആക്‌സസ് ഉണ്ടെങ്കില്‍ അവര്‍ക്ക് പണം കൈമാറാന്‍ ഇത് ഉപയോഗിക്കാം. എന്നാല്‍, എല്ലാ പേമെന്റ് അപ്ലിക്കേഷനുകളും ഉൾക്കൊള്ളുന്ന ഫോൺ മോഷ്ടിക്കപ്പെട്ടാല്‍ എന്ത് ചെയ്യും?

ഫോൺ നഷ്ടപ്പെട്ടാൽ അക്കൗണ്ടില്‍ നിന്ന് പണം മോഷ്ടിക്കപ്പെടുന്നതിനെക്കുറിച്ചോര്‍ത്ത് വിഷമിക്കേണ്ടതില്ല. ഫോണ്‍ നഷ്ടപ്പെടുകയാണെങ്കില്‍ പേടിഎം, ഗൂഗിള്‍ പേ, ഫോണ്‍ പേ എന്നിവ മറ്റൊരാള്‍ ഉപയോഗിക്കുന്നത് തടയുന്നത് എങ്ങനെയെന്ന് നോക്കാം.

advertisement

ഗൂഗിള്‍ പേ

ഗൂഗിള്‍ പേ ഉപയോക്താക്കള്‍ക്ക് 18004190157 എന്ന ഹെല്‍പ്പ്‌ലൈന്‍ നമ്പറിലേക്ക് വിളിച്ച് ഇഷ്ടപ്പെട്ട ഭാഷ തെരഞ്ഞെടുക്കാം.

മറ്റ് പ്രശ്‌നങ്ങള്‍ക്കായി ശരിയായ ഓപ്ഷന്‍ തെരഞ്ഞെടുക്കുക.

നിങ്ങളുടെ ഗൂഗിള്‍ പേ അക്കൗണ്ട് തടയാന്‍ സഹായിക്കുന്ന ഒരു സ്‌പെഷ്യലിസ്റ്റുമായി സംസാരിക്കാനുള്ള ഓപ്ഷന്‍ തെരഞ്ഞെടുക്കുക.

ഇതിനു പകരമായി, ആന്‍ഡ്രോയിഡ് ഉപയോക്താക്കള്‍ക്ക് ഡാറ്റ വിദൂരമായി മായ്ക്കാനാകുന്നതിനാല്‍ ഫോണില്‍ നിന്ന് ആര്‍ക്കും നിങ്ങളുടെ ഗൂഗിള്‍ അക്കൗണ്ട് ആക്‌സസ് ചെയ്യാന്‍ കഴിയില്ല, അതിനാല്‍ ഗൂഗിള്‍ പേ ആപ്ലിക്കേഷന്‍ സുരക്ഷിതമായിരിക്കും. ഐഒഎസ് ഉപയോക്താക്കള്‍ക്കും അവരുടെ ഡാറ്റ റിമോട്ടായി മായ്ച്ചുകൊണ്ട് ഇത് ചെയ്യാന്‍ കഴിയും.

advertisement

പേടിഎം അക്കൗണ്ട്

പേടിഎം പേയ്‌മെന്റ് ബാങ്ക് ഹെല്‍പ്പ് ലൈന്‍ നമ്പര്‍ 01204456456 എന്ന നമ്പറില്‍ വിളിക്കുക.

നഷ്ടപ്പെട്ട ഫോണിനുള്ള ഓപ്ഷന്‍ തെരഞ്ഞെടുക്കുക.

മറ്റൊരു നമ്പര്‍ നല്‍കാനുള്ള ഓപ്ഷന്‍ തെരഞ്ഞെടുത്ത് നിങ്ങളുടെ നഷ്ടപ്പെട്ട ഫോണ്‍ നമ്പര്‍ നല്‍കുക.

എല്ലാ ഉപകരണങ്ങളില്‍ നിന്നും ലോഗ് ഔട്ട് ചെയ്യാന്‍ തെരഞ്ഞെടുക്കുക.

അടുത്തതായി, പേടിഎം വെബ്‌സൈറ്റിലേക്ക് പോയി 24X7 സഹായം തെരഞ്ഞെടുക്കാന്‍ സ്‌ക്രോള്‍ ചെയ്യുക.

തട്ടിപ്പ് റിപ്പോര്‍ട്ട് ചെയ്യുക

തുടര്‍ന്ന് ആ വിഭാഗത്തില്‍ ക്ലിക്കുചെയ്യുക.

അടുത്തതായി, പ്രോബ്ലം എന്ന ബട്ടണില്‍ ക്ലിക്കുചെയ്യുക, തുടര്‍ന്ന് ചുവടെയുള്ള മെസേജ് ബട്ടണ്‍ ക്ലിക്കുചെയ്യുക.

advertisement

അക്കൗണ്ട് ഉടമസ്ഥാവകാശത്തിന്റെ ഒരു തെളിവ് നിങ്ങള്‍ സമര്‍പ്പിക്കേണ്ടതുണ്ട്, അത് പേടിഎം അക്കൗണ്ട് ഇടപാടുകള്‍ കാണിക്കുന്ന ഡെബിറ്റ് / ക്രെഡിറ്റ് കാര്‍ഡ് സ്‌റ്റേറ്റ്‌മെന്റ്, ഒരു പേടിഎം അക്കൗണ്ട് ഇടപാടിനുള്ള അംഗീകൃത ഇമെയില്‍ അല്ലെങ്കില്‍ എസ്എംഎസ്, ഫോണ്‍ നമ്പര്‍ ഉടമസ്ഥാവകാശത്തിന്റെ തെളിവ്, അല്ലെങ്കില്‍ നഷ്ടപ്പെട്ട അല്ലെങ്കില്‍ മോഷ്ടിച്ച ഫോണിനെതിരായ പോലീസ് പരാതി തെളിവ് എന്നിവ.

ഇത്രയും ചെയ്തുകഴിഞ്ഞാല്‍, പേടിഎം നിങ്ങളുടെ അക്കൗണ്ട് ഉപയോഗിക്കുന്നത് തടയുകയും. ശേഷം നിങ്ങള്‍ക്ക് ഒരു മെസേജ് ലഭിക്കും.

ഫോണ്‍ പേ

advertisement

ഫോണ്‍ പേ ഉപയോക്താക്കള്‍ 08068727374 അല്ലെങ്കില്‍ 02268727374 എന്ന നമ്പറില്‍ വിളിക്കേണ്ടതുണ്ട്.

ഭാഷ തെരഞ്ഞെടുത്തതിനുശേഷം, നിങ്ങളുടെ ഫോണ്‍ പേ അക്കൗണ്ടില്‍ ഒരു പ്രശ്‌നം റിപ്പോര്‍ട്ട് ചെയ്യാന്‍ ആഗ്രഹിക്കുന്നുണ്ടോ എന്ന് നിങ്ങളോട് ചോദിക്കും, ഉചിതമായ നമ്പര്‍ അമര്‍ത്തുക.

രജിസ്റ്റര്‍ ചെയ്ത നമ്പര്‍ നല്‍കുക, ഉറപ്പാക്കാനായി നിങ്ങള്‍ക്ക് ഒരു ഒടിപി അയയ്ക്കും. അടുത്തതായി, ഒടിപി ലഭിക്കാത്തതിന് ഓപ്ഷന്‍ തെരഞ്ഞെടുക്കുക.

സിം അല്ലെങ്കില്‍ ഫോണ്‍ നഷ്ടപ്പെട്ടതിന് നിങ്ങള്‍ക്ക് ഒരു ഓപ്ഷന്‍ റിപ്പോര്‍ട്ട് നല്‍കും, അത് തിരഞ്ഞെടുക്കുക.

മികച്ച വീഡിയോകൾ

എല്ലാം കാണുക
ബ്രിട്ടീഷ് അധിനിവേശത്തിൻ്റെ ഓർമ്മപ്പെടുത്തലുമായി ബംഗ്ളാംകുന്ന്
എല്ലാം കാണുക

ഫോണ്‍ നമ്പര്‍, ഇമെയില്‍ ഐഡി, അവസാന പേയ്‌മെന്റ്, അവസാന ഇടപാടിന്റെ വിവരം മുതലായ ചില വിശദാംശങ്ങള്‍ ലഭിച്ചതിന് ശേഷം നിങ്ങളുടെ ഫോണ്‍ പേ അക്കൗണ്ട് തടയാന്‍ സഹായിക്കുന്ന ഒരു പ്രതിനിധിയുമായി സംസാരിക്കാനാവും.

മലയാളം വാർത്തകൾ/ വാർത്ത/Explained/
Explained: ഫോൺ നഷ്ടപ്പെട്ടാൽ ഗൂഗിൾ പേ, പേടിഎം, ഫോൺ പേ എന്നിവ ഉപയോഗിക്കുന്നവർ എന്തു ചെയ്യണം?
Open in App
Home
Video
Impact Shorts
Web Stories