"അന്ന് ചാൻസ് ചോദിക്കാൻ പേടിയും ചമ്മലുമായിരുന്നു, ഇന്ന് അങ്ങനെയല്ല"; മാറ്റത്തെക്കുറിച്ച് ശ്രുതി രാമചന്ദ്രൻ

സിനിമയിൽ അവസരങ്ങൾ ചോദിക്കാൻ പണ്ട് തനിക്ക് വലിയ മടിയായിരുന്നുവെന്ന് ശ്രുതി പറയുന്നു. സിനിമയുമായി ബന്ധമുള്ള ആരെയും മുൻപരിചയമില്ലാത്തതും ഇൻഡസ്ട്രിയെക്കുറിച്ച് കേട്ട കഥകളുമാണ് അന്ന് ചാൻസ് ചോദിക്കുന്നതിൽ നിന്ന് തന്നെ പിന്നോട്ട് വലിച്ചതെന്ന് താരം വെളിപ്പെടുത്തി. ഒരു യൂട്യൂബ് ചാനലിന് നൽകിയ അഭിമുഖത്തിലായിരുന്നു ശ്രുതിയുടെ പ്രതികരണം.

ശ്രുതിയുടെ വാക്കുകൾ:

"സിനിമയിൽ അവസരം ചോദിക്കാൻ പണ്ട് ഭയങ്കര മടിയായിരുന്നു. അത് എങ്ങനെയാണ് ചോദിക്കേണ്ടതെന്ന് എനിക്ക് അറിയില്ലായിരുന്നു. സിനിമാരംഗത്ത് ആരെയും എനിക്ക് പരിചയമില്ല. പല കഥകളും കേട്ടിട്ടുള്ളതുകൊണ്ട് ചോദിച്ചാൽ ശരിയാകുമോ എന്ന പേടിയും ഉണ്ടായിരുന്നു. എന്നാൽ ഇന്ന് അങ്ങനെയല്ല. ഒരാളുടെ വർക്ക് എനിക്ക് ഇഷ്ടമായാൽ അവർക്കൊപ്പം ജോലി ചെയ്യാൻ താൽപ്പര്യമുണ്ടെന്ന് ഞാൻ തുറന്നു പറയും. എന്റെ രീതിയിൽ അത് ഒരു 'ചാൻസ് ചോദിക്കൽ' തന്നെയാണ്. മൂന്ന് കൊല്ലം മുമ്പ് വരെ എനിക്ക് ഇതിന് വലിയ ചമ്മലായിരുന്നു. എന്നാൽ ഇന്ന് ആ ബുദ്ധിമുട്ടില്ലാതെ കാര്യം പറയാൻ എനിക്കറിയാം."

advertisement