അടൂർ ഗോപാലകൃഷ്ണനും മമ്മൂട്ടിയും വീണ്ടും; നാലാം ചിത്രം പ്രഖ്യാപിച്ച് സംവിധായകൻ

"ചിത്രം മമ്മൂട്ടികമ്പനി നിർമിക്കും. പ്രധാനവേഷത്തിലും മമ്മൂട്ടിയുണ്ടാവും. സ്ക്രിപ്റ്റ് എഴുതുന്ന സമയത്തു തന്നെ ആരഭിനയിക്കണം എന്നൊരു ചിന്ത വരും. അപ്പോൾ മമ്മൂട്ടിയെ പറ്റി മാത്രമേ ആലോചിച്ചുള്ളൂ. മറ്റാരുടെയും മുഖം എന്റെ മുന്നിൽ വന്നില്ല. ആ കഥാപാത്രത്തിന് അനുയോജ്യൻ മമ്മൂട്ടിയാണ്. മറ്റഭിനേതാക്കളെ തിരഞ്ഞെടുക്കുന്ന പ്രക്രിയ നടന്നുവരുന്നു," അടൂർ പറഞ്ഞു.

തകഴി ശിവശങ്കരപ്പിള്ളയുടെ 'രണ്ടിടങ്ങഴി' അധികരിച്ചുള്ള സിനിമയാകും ഇതെന്ന് സ്ഥിരീകരിക്കാത്ത റിപോർട്ടുണ്ട്. "പകലന്തിയോളം പാടങ്ങളിൽ പണിയെടുത്ത് കതിർക്കുടങ്ങൾ വിളയിപ്പിക്കുന്ന അവശരും മർദ്ദിതരുമായ കുട്ടനാട്ടിലെ കർഷകത്തൊഴിലാളികൾ വർഗബോധത്തോടെ ഉണർന്നെഴുന്നേറ്റു ചൂഷണത്തെ പരാജയപ്പെടുത്തുന്ന വീരോജ്ജ്വലവും വികാരനിർഭരവുമായ കഥയുടെ ഹൃദയാവർജകമായ ആവിഷ്കരണം" എന്നാണ് രണ്ടിടങ്ങഴിയുടെ ആമുഖം.

advertisement

വിധേയൻ, അനന്തരം എന്നിവ ഒഴികെ മതിലുകൾ നിർമിച്ചതും അടൂർ ആയിരുന്നു.

സാധാരണ ചലച്ചിത്ര പ്രേക്ഷകർക്കും മറക്കാനാവാത്ത അനുഭവം സമ്മാനിച്ച ചിത്രമായി 'മതിലുകൾ'. വൈക്കം മുഹമ്മദ് ബഷീറിന്റെ അതേപേരിലെ നോവൽ അടിസ്ഥാനമാക്കി സംവിധാനം ചെയ്ത ചിത്രം മമ്മൂട്ടിക്ക് മികച്ച നടനുള്ള ദേശീയപുരസ്കാരം നേടിക്കൊടുത്തു. അതേവർഷം റിലീസ് ചെയ്ത 'ഒരു വടക്കൻ വീരഗാഥ'യിലെ പ്രകടനത്തിനും ചേർത്തായിരുന്നു പുരസ്കാരം. ഭാസ്കര പട്ടേലരെ അനശ്വരമാക്കിയ 'വിധേയൻ' വീണ്ടും മമ്മൂട്ടിയെ ദേശീയ പുരസ്കാരത്തിനർഹനാക്കി. അതേവർഷം, പൊന്തൻമാടയ്ക്കും ചേർത്തായിരുന്നു പുരസ്കാരം.

അടൂരിനെ സംബന്ധിച്ച് നീണ്ട പത്തു വർഷത്തെ ഇടവേളയ്ക്ക് വിരാമമിട്ടുകൊണ്ടുള്ള മടങ്ങിവരവാകും ഈ സിനിമ. 2016ൽ ദിലീപ്, കാവ്യാ മാധവൻ എന്നിവർ പ്രധാന കഥാപാത്രങ്ങളായ 'പിന്നെയും' ആണ് അദ്ദേഹം ഏറ്റവുമൊടുവിൽ സംവിധാനം ചെയ്ത ചലച്ചിത്രം. 2019ൽ ഷോർട്ട് ഫിക്ഷനായ 'സുഖാന്ത്യം' റിലീസ് ചെയ്തിരുന്നു.

Summary: Actor Mammootty and director Adoor Gopalakrishnan are teaming up after 31 years. Adoor told Manorama News that preparations for a new film have begun. The last Malayalam film in which the two worked together was 'Videyan', which released in 1994. "The film will be produced by Mammootty Kampany. Mammootty will also play the lead role. The idea of ​​acting came to me while writing the script. Then I only thought of Mammootty. No one else's face came to my mind. Mammootty is the right person for that role. The process of selecting other actors is underway," Adoor said