'കട്ടൻ ബ്രാൻഡ് ഒന്നടിക്കാം, തുള്ളി തുള്ളിക്കളിക്കാം'; പ്രശസ്ത ഗാനത്തിന്റെ പാരഡിയുമായി 'ഒരു വടക്കൻ തേരോട്ടം'

എ.ആർ. ബിനുരാജ് സംവിധാനം ചെയ്യുന്ന 'ഒരു വടക്കൻ തേരോട്ടം' എന്ന ചിത്രത്തിൻ്റെ ടീസറിലെ ഒരു രംഗമാണിത്. ധ്യാൻ ശ്രീനിവാസനും ധർമ്മജൻ ബോൾഗാട്ടിയും അടങ്ങുന്ന ഒരു സംഘം അഭിനേതാക്കൾ ഈ ആഘോഷ പരിപാടിയിൽ കാണാൻ കഴിയും. സാധാരണക്കാരായ, പ്രത്യേകിച്ചും കാക്കി വേഷധാരികളായ, ഓട്ടോറിഷാക്കാരുടെ കൂട്ടായ്മ ടീസറിൽ പലയിടത്തും കാണാം.

ബി.ടെക് ബിരുദം നേടിയിട്ടും, ഓട്ടോറിഷാ ഓടിക്കാനെത്തിയ ഒരു യുവാവിൻ്റെ ജീവിതത്തിലൂടെയാണ് ചിത്രത്തിൻ്റെ കഥാപുരോഗതി. അതുകൊണ്ടുതന്നെ സാധാരണക്കാരുടെ ജീവിതത്തിലൂടെയാണ് ചിത്രത്തിൻ്റെ അവതരണം. ജീവിതഗന്ധിയായ നിരവധി മുഹൂർത്തങ്ങളും പ്രണയവുമെല്ലാം ചിത്രത്തിന് അകമ്പടിയാകുന്നുണ്ട്. മലബാറിൻ്റെ പശ്ചാത്തലത്തിലൂടെ തികച്ചും റിയലിസ്റ്റിക്കായി ഒപ്പം നർമ്മത്തിന്റെ മേമ്പൊടിയോടു കൂടിയാണ് ചിത്രത്തിൻ്റെ അവതരണം.

advertisement

ധ്യാൻ ശ്രീനിവാസൻ കേന്ദ്ര കഥാപാത്രത്തെ അവതരിപ്പിക്കുന്ന ചിത്രത്തിൽ മലയാളത്തിലെയും തമിഴിലെയും നിരവധി താരങ്ങൾ അഭിനയിക്കുന്നു. ഒരു കൊമേഴ്സ്യൽ സിനിമയ്ക്ക് വേണ്ട എല്ലാവിധ ചേരുവകളും കോർത്തിണക്കിയ ചിത്രത്തിലെ ഗാനങ്ങൾ കൈകാര്യം ചെയ്യുന്നത് ഹിറ്റ്മേക്കർ ബേണിയും അദ്ദേഹത്തിൻ്റെ മകൾ ടാൻസനും ആണ്.

സനു അശോക് രചന നിർവ്വഹിക്കുന്ന ചിത്രത്തിൻ്റെ ഛായാഗ്രഹണം പവി കെ. പവൻ നിർവ്വഹിക്കുന്നു.

കോ പ്രൊഡ്യൂസേഴ്സ് : സൂര്യ എസ്. സുബാഷ്, ജോബിൻ വർഗ്ഗീസ്. ടീസറിൽ സൂചന നൽകിയതു പ്രകാരം ചിത്രം ഡ്രീം ബിഗ്ഗ് ഫിലിംസ് പ്രദർശനത്തിനെത്തിക്കും. പി.ആർ.ഒ.- വാഴൂർ ജോസ്.

Summary: Teaser from Malayalam movie 'Oru Vadakkan Therottam' featuring Dhyan Sreenivasan in the lead comes with parody to a popular song in Malayalam cinema. The movie touches upon the lives of a set of Malayali men who work as autorickshaw drivers despite holding a bachelors in engineering