കഴിഞ്ഞ മണിക്കൂറുകളായി സോഷ്യൽ മീഡിയ ഒന്നടങ്കം ചർച്ച ചെയ്തു കൊണ്ടിരിക്കുകയാണ് ‘മനോരഥങ്ങൾ’ സീരീസിന്റെ ട്രെയിലർ ലോഞ്ച് ചടങ്ങിനിടെ സംഗീതജ്ഞൻ രമേശ് നാരായൺന്റെ ആസിഫ് അലിയോടുള്ള മോശമായി സമീപനത്തെക്കുറിച്ച്. ആസിഫ് നൽകിയ പുരസ്കാരം ജയരാജിനെ ഏൽപിച്ച്‌, അദ്ദേഹത്തിൽ നിന്നും രമേശ് സ്വീകരിക്കുകയായിരുന്നു. നടനെ പൊതുവേദിയിൽ വെച്ച് അപമാനിക്കുകയാണ് ചെയ്തതെന്ന് സോഷ്യൽ മീഡിയയിൽ പരക്കെ ആക്ഷേപം ഉയരുന്നുണ്ട്.
ALSO READ: കാര്‍ത്തി നായകനായ സിനിമയുടെ ചിത്രീകരണത്തിനിടെ റോപ്പ് പൊട്ടി സ്റ്റണ്ട്മാന് ദാരുണാന്ത്യം
advertisement
കലാരംഗത്ത് നിന്നും സാമൂഹ്യരംഗത്ത് നിന്നുമായി നിരവധി പേരാണ് ആസിഫിന് പിന്തുണ അറിയിച്ചു കൊണ്ട് രംഗത്ത് വരുന്നത്. അതേസമയം താൻ ആസിഫ് അലിയെ അപമാനിക്കാൻ ശ്രമിച്ചിട്ടില്ലെന്നാണ് രമേശ് നാരായണിന്റെ പ്രതികരണം. 'ആസിഫിനെ ശ്രദ്ധിച്ചില്ലെന്നത് വാസ്തവമാണെങ്കിലും അപമാനിക്കുകയോ വിവേചനം കാണിക്കുകയോ ചെയ്തിട്ടില്ല. മെമെന്റോ എന്നെ ഏൽപ്പിച്ച ആസിഫ് ഒരു ആശംസ പോലും പറയാതെ പോയി.
തുടർന്നാണ് താൻ ജയരാജിനെ വിളിച്ചതെന്നും രമേശ് പ്രതികരിച്ചു. ‘മനോരഥങ്ങൾ’ സീരീസിലെ ചിത്രങ്ങളിൽ ജയരാജ് സംവിധാനം ചെയ്ത ഹ്രസ്വചിത്രത്തിനു രമേശ് നാരായൺ സംഗീതം നൽകിയിരുന്നു. അതിന്റെ മെമെന്റോ ധാനചടങ്ങിൽ ആസിഫിന്റെ കയ്യിൽ നിന്നും നീരസത്തോടെ മെമെന്റോ സ്വീകരിക്കുകയും, തുടർന്ന് സംവിധായകൻ ജയരാജിനെ വിളിച്ച് വരുത്തി ആ മെമെന്റോ കയ്യിൽ വച്ച് കൊടുത്ത ശേഷം സ്വീകരിക്കുന്ന ദൃശ്യങ്ങളാണ് സോഷ്യൽ മീഡിയയിൽ പ്രചരിച്ച വീഡിയോയിൽ ഉള്ളത്.