Dulquer Salmaan| ലോക്ക്ഡൗൺ ദുൽഖർ സൽമാനിൽ ഉണ്ടാക്കിയ മാറ്റം; പുതിയ ചിത്രങ്ങൾ വൈറൽ

മലയാളത്തിന്റെ സൂപ്പർ താരം ദുൽഖർ സൽമാൻ സോഷ്യൽമീഡിയയിൽ പങ്കുവെച്ച പുതിയ ചിത്രങ്ങളാണ് ഇപ്പോൾ വൈറലായിക്കൊണ്ടിരക്കുന്നത്.

നീണ്ടു വളർന്ന ചുരുളൻ മുടിയുമായാണ് ദുൽഖർ പ്രത്യക്ഷപ്പെട്ടിരിക്കുന്നത്. താരത്തിന്റെ പുതിയ ലുക്ക് ആരാധകർക്കും നന്നായി ഇഷ്ടപ്പെട്ടിട്ടുണ്ട്.

നിരവധി താരങ്ങളും ദുൽഖറിന്റെ ചിത്രങ്ങൾക്ക് താഴെ കമന്റുമായി എത്തിയിട്ടുണ്ട്. ചുരുളൻമുടിക്കാരുടെ ക്ലബ്ബിലേക്ക് ഒരു സൂപ്പർതാരവും കൂടി എത്തിയെന്നാണ് ചിലർ പറയുന്നത്.

ദുൽഖർ സൽമാൻ നിർമിച്ച മണിയറയിലെ അശോകൻ തിരുവോണത്തിനാണ് നെറ്റ്ഫ്ലിക്സിൽ റിലീസ് ചെയ്തത്. ഇതിനകം നെറ്റ്ഫ്ലിക്സ് ട്രെന്റിങ്ങിൽ ഒന്നാമതാണ് ചിത്രം. നവാഗതനായ ശംസു സായ്ബ സംവിധാനം ചെയ്ത ചിത്രത്തിൽ ജേക്കബ് ഗ്രിഗറിയും അനുപമ പരമേശ്വരനുമാണ് നായികാ നായകന്മാർ.

ഷൈൻ ടോം ചാക്കോ, കൃഷ്ണ ശങ്കർ, എന്നിവരും ചിത്രത്തിൽ പ്രധാന വേഷത്തിൽ എത്തുന്നുണ്ട്.