ഇടുക്കി ജില്ലയിലെ കൊടുങ്കാടുകളിൽ ചിത്രീകരണം നടന്നുവരുന്ന ഈ ചിത്രത്തിൻ്റെ സാഹസികമായ ചില രംഗങ്ങളുടെ ലൊക്കേഷൻ കാഴ്ച്ചകൾ ഇപ്പോൾ അണിയറപ്രവർത്തകർ പുറത്തുവിട്ടിരിക്കുന്നു.
ആക്ഷൻ രംഗങ്ങളിൽ അതീവ മികവു പ്രകടിപ്പിക്കാറുള്ള യുവ നായകൻ ആൻ്റണി വർഗീസ് (പെപ്പെ) അഭിനയിക്കുന്ന രംഗത്തിൻ്റെ ഏതാനും ഭാഗങ്ങളാണ് ബിഹൈൻഡ് സ്ക്രീൻ ഭാഗമായി പുറത്തുവിട്ടിരിക്കുന്നത്. ഇതൊരു ടെസ്റ്റ് ഡോസായി മാത്രം കണ്ടാൽ മതി. വലിയവെടിക്കെട്ടുകൾ പുറകേ പ്രതീക്ഷിക്കാം എന്ന് അണിയറപ്രവർത്തകർ.
അവതരണത്തിൽ മലയാളി പ്രേഷകനെ വിസ്മയിപ്പിച്ച 'മാർക്കോ'യ്ക്ക് ശേഷം ക്യൂബ്സ് എൻ്റെർടൈൻമെൻ്റ് നിർമ്മിക്കുന്ന 'കാട്ടാളൻ' ഏറെ പ്രതീക്ഷ നൽകുന്ന ചിത്രമായി മാറിയിരിക്കുന്നു.
ഇന്ത്യയിലെയും വിദേശരാജ്യങ്ങളിലെയും മികച്ച സാങ്കേതിക പ്രവർത്തകരും പ്രമുഖ താരങ്ങളും അണിനിരക്കുന്ന ചിത്രമാണ് 'കാട്ടാളൻ'. തായ്ലാൻ്റിൽ ചിത്രീകരണം ആരംഭിച്ച സിനിമയുടെ ചിത്രീകരണം 100 ദിവസത്തോളം നീണ്ടുനിൽക്കും. വലിയ മുതൽമുടക്കിൽ അണിയിച്ചൊരുക്കുന്ന ചിത്രത്തിൻ്റെ സംഭാഷണ രചയിതാവ് ആർ. ഉണ്ണിയാണ്.
അജനീഷ് ലോകനാഥാണ് സംഗീത സംവിധായകൻ. പ്രൊഡക്ഷൻ എക്സിക്യൂട്ടീവ്സ്- ബിനു മണമ്പൂർ, പ്രവീൺ എടവണ്ണപ്പാറ, പ്രൊഡക്ഷൻ കൺട്രോളർ - ദീപക് പരമേശ്വരൻ, പി.ആർ.ഒ.- വാഴൂർ ജോസ്.
Summary: While rushing for the shoot, the car overturns. The camera goes off, and people gathered around it run to straighten the car. The hero comes out from inside without any hesitation. The film 'Kaattalan', produced by Sherif Mohammed under the banner of Cubes Entertainments and directed by Paul George, is progressing with a rainy season of adventure