ബന്ധങ്ങൾ മുറിക്കാനാവില്ല; ആശുപത്രിയിൽ കഴിയുന്ന സലിം ഖാനെ സന്ദർശിച്ച് അർബാസിന്റെ മുൻഭാര്യ മലൈക അറോറയും മകനും

ബസ്സൂക്ക സ്ക്രോൾസ് പങ്കിട്ട ഒരു വീഡിയോയിൽ മലൈകയും മകൻ അർഹാനും കാറിൽ നിന്നിറങ്ങി ആശുപത്രിയിലേക്ക് പോകുന്നത് കാണാം. അതേസമയം, രണ്ട് ദിവസം മുമ്പ്, മലൈകയുടെ അമ്മ ജോയ്‌സും സലിം ഖാനെ സന്ദർശിച്ചു. താഴെയുള്ള വീഡിയോ കാണാം:

ഫെബ്രുവരി 17 ന് ആശുപത്രിയിൽ പ്രവേശിപ്പിച്ച സലിം ഖാൻ വെന്റിലേറ്ററിന്റെ സഹായത്തിലാണെന്ന് റിപ്പോർട്ടുണ്ട്. അദ്ദേഹത്തെ ചികിത്സിക്കുന്ന ഡോക്ടർ ജലീൽ പാർക്കർ സലിം ഖാന്റെ ആരോഗ്യ വിവരങ്ങൾ പങ്കുവെക്കുകയും സലിം ഖാന് തലച്ചോറിൽ ചെറിയ രക്തസ്രാവം ഉണ്ടായതായും തുടർന്ന് പതിവ് ശസ്ത്രക്രിയ നടത്തിയതായും കഴിഞ്ഞ ബുധനാഴ്ച സ്ഥിരീകരിച്ചു.

"അദ്ദേഹത്തിന് നെഞ്ചുവേദന ഉണ്ടായിരുന്നു, രക്തസമ്മർദ്ദം കൂടുതലായിരുന്നു. ഞങ്ങൾ അദ്ദേഹത്തെ ചികിത്സിച്ചു. ഗുരുതരാവസ്ഥയിലാകാതിരിക്കാൻ വെന്റിലേറ്ററിൽ കിടത്തേണ്ടിവന്നു. ഗുരുതരാവസ്ഥയിലായതുകൊണ്ടല്ല അത്. ആവശ്യമായ പരിശോധനകൾ ഞങ്ങൾ നടത്തി. അദ്ദേഹത്തിന് ഒരു ചെറിയ ശസ്ത്രക്രിയ നടത്തി. അതിന്റെ വിശദാംശങ്ങളിലേക്ക് ഞാൻ കടക്കുന്നില്ല. അദ്ദേഹം സുഖമായിരിക്കുന്നു. അദ്ദേഹത്തിന്റെ ആരോഗത്തിൽ സ്ഥിരതയുണ്ട്. അദ്ദേഹത്തെ ഐസിയുവിലേക്ക് മാറ്റി. സുഖമായിരിക്കുന്നു. പ്രായം ഒരു ഘടകമാണെന്ന് അറിയാം. അതുകൊണ്ടാണ് സുഖം പ്രാപിക്കുന്ന പ്രക്രിയയ്ക്ക് സമയമെടുക്കുന്നത്," അദ്ദേഹം പറഞ്ഞു.

എന്നിരുന്നാലും, ലീലാവതി ആശുപത്രിയിലെ ഡോക്ടർമാരോട് സൽമാൻ ഖാന് അതൃപ്തിയുണ്ടെന്നും റിപോർട്ടുണ്ട്. സ്വകാര്യത നിലനിർത്താനും എല്ലാ ഊഹാപോഹങ്ങളും ഒഴിവാക്കാനും ആഗ്രഹിക്കുന്നതിനാൽ സലിം ഖാന്റെ ആരോഗ്യ വിവരങ്ങൾ മാധ്യമങ്ങളുമായി പങ്കിടരുതെന്ന് സൽമാൻ അവരോട് ആവശ്യപ്പെട്ടതായും വെറൈറ്റി ഇന്ത്യ പിന്നീട് റിപ്പോർട്ട് ചെയ്തു.

"ആരോഗ്യം ഒരു സ്വകാര്യ കാര്യമാണ്. ഒരു അപ്‌ഡേറ്റും മാധ്യമങ്ങളുമായി പങ്കിടരുത്, ആരാധകരെയും അഭ്യുദയകാംക്ഷികളെയും അഭിസംബോധന ചെയ്യാൻ അവർ തീരുമാനിക്കുമ്പോൾ ഏത് ആശയവിനിമയവും പൂർണ്ണമായും കുടുംബത്തിന് വിട്ടുകൊടുക്കണം," കുടുംബവുമായി അടുത്ത വൃത്തങ്ങൾ വെറൈറ്റി ഇന്ത്യയോട് പറഞ്ഞു.

അതേസമയം, ഏകദേശം രണ്ട് പതിറ്റാണ്ടുകളുടെ ദാമ്പത്യജീവിതത്തിനുശേഷം 2017 ൽ അർബാസ് ഖാനുമായി വേർപിരിഞ്ഞെങ്കിലും, ഖാൻ കുടുംബവുമായുള്ള ബന്ധം മലൈക ഇന്നും ഊഷ്മളമായി നിലനിർത്തുന്നു.